Meram brytanskaha horadu Kembrydž upieršyniu ŭ historyi krainy staŭ transseksuał. Džeńni Bejli naradziŭsia mužčynam. Aperacyju pa źmienie połu zrabiŭ u 30 ź niečym. Da taho času jon užo paśpieŭ žanicca i raźvieścisia. U Bejli ad šlubu zastalisia dvoje dziaciej, 20 i 18 hadoŭ.
Padčas uračystaści 45-hadovaja mer achvotna paziravała fatohrafam razam z svajoj siabroŭkaj, byłym siabram municypalnaha savietu Kiembrydžu, 49-hadovaj Dženifer Lidł, jakaja raniej taksama była mužčynam. Kachanki paznajomilisia, kali prachodzili harmanalnuju terapiju.
"My transseksuały, ale ciapier XXI st., heta Kembrydž, i heta bolš nie źjaŭlajecca prablemaj. Ja pačała zajmacca miascovaj palitykaj, bo vieru ŭ hramadzkuju pracu i mnie chočacca prynieści karyść nievierahodnamu horadu, u jakim my žyviom", - skazała mer.
Vykanaŭčy dyrektar harsavietu Kiembrydžu Rob Chemand zajaviŭ, što pytańni połu i seksualnaj aryjentacyi nijak nie pavinny ŭpłyvać na prava ludziej zajmać aficyjnyja pasady: "Pieratvareńnie Bejli z mužčyny ŭ žančynu vykliča cikavaść. Adnak saviet peŭny, što poł i seksualnaja aryjentacyja nia majuć značeńnia dla pracy na hramadzkich pasadach".
Bejli stała 801-m meram Kembrydžu. Hetuju pasadu jana budzie zajmać ciaham hodu.
Kamientary