«Biełaruś - nie niejki kapryz Hruzii, heta fundamientalnaje pytańnie, i hetaje pytańnie budzie vyrašana vyzvaleńniem biełaruskaha naroda i kančatkovym abjadnańniem Jeŭropy», - zajaviŭ prezident Hruzii Michaił Saakašvili viečaram 16 sakavika na pres-kanfierencyi ŭ Tbilisi, paviedamlaje Interfaks.
«Biełaruś - nie niejki kapryz Hruzii, heta fundamientalnaje pytańnie, i hetaje pytańnie budzie vyrašana vyzvaleńniem biełaruskaha naroda i kančatkovym abjadnańniem Jeŭropy», - zajaviŭ prezident Hruzii Michaił Saakašvili viečaram 16 sakavika na pres-kanfierencyi ŭ Tbilisi, paviedamlaje Interfaks.
Pavodle słoŭ hruzinskaha lidera, praces, pačaty «revalucyjaj ruž» u Tbilisi, budzie praciahnuty paŭsiul, dzie «pryhniatajuć ludziej z-za ich pohladaŭ».
«Ja viedaju, što dakładna takija ludzi, jakija źbivajuć demanstrantaŭ u Minsku, stvarajuć prablemy Hruzii i ŭsiamu śvietu», - zajaviŭ Saakašvili. Pavodle jaho słoŭ, «hetyja ludzi nie puskajuć nas u Abchaziju, bałamuciać situacyju ŭ Cchinvali i Džavie». «Impieryja pakul isnuje jašče na terytoryi Hruzii, i impieryja isnuje ŭ Biełarusi i inšych byłych savieckich respublikach», - skazaŭ hruzinski prezident.
«Hruzija - heta prykład svabodnaj krainy, i palityčnyja aliharchi ŭsialak starajucca pieraškodzić ustanaŭleńniu demakratyi ŭ Biełarusi», - zajaviŭ hruzinski lider, paviedamlaje infarmacyjnaje ahienctva «Naviny-Hruzija».
Nahadajem, što siońnia ŭ Nacyjanalnym aeraporcie «Minsk» była zatrymana delehacyja hruzinskich parłamientaryjaŭ, jakija prybyli ŭ Biełaruś dla nazirańnia za vybarami. Usie jany akredytavany jak naziralniki ad misii Parłamienckaj asamblei ABSIE, - paviedamlaje ahienctva «Biełapan».
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik5
Kamientary