Łukašenka: Kamitet dziaržkantrolu bolš nie pavinien dapuścić «kandytarskich razborak»
Rola Kamiteta dziaržkantrolu ŭ sistemie orhanaŭ ułady pavinna być bolšaj.Ab hetym zajaviŭ Alaksandr Łukašenka 22 kastryčnika, prymajučy z dakładam staršyniu KDK Alaksandra Jakabsona.
Na sustrečy ŭ centry ŭvahi byli pytańni vykanańnia KDK daručeńniaŭ kiraŭnika dziaržavy i ŭdaskanaleńnia dziejnaści hałoŭnaha kantrolnaha viedamstva krainy.
Łukašenka nastojvaje na tym, kab Kamitet dziaržkantrolu hraŭ vialikuju rolu ŭ sistemie orhanaŭ ułady. Łukašenka papiaredziŭ kiraŭnika KDK, što nie treba zachaplacca spravazdačami i dakładami, i pieraściaroh ad zališniaj zaarhanizavanaści i biurakratyi.
Alaksandr Łukašenka pierakanany, što KDK pavinien dziejničać bolš žorstka ŭ pytańniach, jakija adnosiacca da jaho kampietencyi, i, hałoŭnaje, prymać adpaviednyja rašeńni.«Kali finansavaja raźviedka, Departamient finansavych rasśledavańniaŭ znajšli niedachopy — treba prymać rašeńni. Da prykładu, bačycie, što z raschodavańniem dziaržbiudžetu niešta nie ŭ paradku, — prymajcie rašeńni», — zapatrabavaŭ Łukašenka.
Jon miarkuje, što mienavita dziaržkantrol pavinien byŭ vyrašać ŭźnikli tam pytańni: «U krainie pavinny viedać, što jość Kamitet dziaržkantrolu, jaki ŭ adpaviednaści sa svaimi paŭnamoctvami pavinien prymać rašeńni. Prykład taho — «kandytarskija» razborki na «Kamunarcy».Łukašenka zakranuŭ prablemy kandytarskaj haliny, jakimi jon niadaŭna zajmaŭsia.
Heta pytańnie KDK, zamiest prezidenta tam pavinien byŭ znachodzicca staršynia KDK i vyrašać hetyja prablemy.Vy pavinny, biezumoŭna, stajać na varcie intaresaŭ našaha naroda, asabliva što tyčycca ułasnaści».
Alaksandr Łukašenka papiaredziŭ ab niedapuščeńni nadalej prablem, padobnych da tych, što paŭstali ŭ kandytarskaj haliny.
Kamientary