Лукашэнка: Камітэт дзяржкантролю больш не павінен дапусціць «кандытарскіх разборак»
Роля Камітэта дзяржкантролю ў сістэме органаў улады павінна быць большай.Аб гэтым заявіў Аляксандр Лукашэнка 22 кастрычніка, прымаючы з дакладам старшыню КДК Аляксандра Якабсона.
На сустрэчы ў цэнтры ўвагі былі пытанні выканання КДК даручэнняў кіраўніка дзяржавы і ўдасканалення дзейнасці галоўнага кантрольнага ведамства краіны.
Лукашэнка настойвае на тым, каб Камітэт дзяржкантролю граў вялікую ролю ў сістэме органаў улады. Лукашэнка папярэдзіў кіраўніка КДК, што не трэба захапляцца справаздачамі і дакладамі, і перасцярог ад залішняй заарганізаванасці і бюракратыі.
Аляксандр Лукашэнка перакананы, што КДК павінен дзейнічаць больш жорстка ў пытаннях, якія адносяцца да яго кампетэнцыi, і, галоўнае, прымаць адпаведныя рашэнні.«Калі фінансавая разведка, Дэпартамент фінансавых расследаванняў знайшлі недахопы — трэба прымаць рашэнні. Да прыкладу, бачыце, што з расходаваннем дзяржбюджэту нешта не ў парадку, — прымайце рашэнні», — запатрабаваў Лукашэнка.
Ён мяркуе, што менавіта дзяржкантроль павінен быў вырашаць ўзніклі там пытанні: «У краіне павінны ведаць, што ёсць Камітэт дзяржкантролю, які ў адпаведнасці са сваімі паўнамоцтвамі павінен прымаць рашэнні. Прыклад таго — «кандытарскія» разборкі на «Камунарцы».Лукашэнка закрануў праблемы кандытарскай галіны, якімі ён нядаўна займаўся.
Гэта пытанне КДК, замест прэзідэнта там павінен быў знаходзіцца старшыня КДК і вырашаць гэтыя праблемы.Вы павінны, безумоўна, стаяць на варце інтарэсаў нашага народа, асабліва што тычыцца уласнасці».
Аляксандр Лукашэнка папярэдзіў аб недапушчэнні надалей праблем, падобных да тых, што паўсталі ў кандытарскай галіны.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары