Каля «Першага нацыянальнага гандлёвага дома» ў Мінску тэстуюць новыя святлафоры ФОТЫ
Эксперыментальная зона з’явілася на вуліцы Кірылы Тураўскага, побач з гандлёвым цэнтрам «Першы нацыянальны гандлёвы дом». Там будуць тэставаць рознае новае абсталяванне, каб ацаніць, наколькі яно эфектыўнае і зручнае, паведаміла УДАІ ГУУС Мінгарвыканкама.
У Мінску запусцілі пілотны праект укаранення новых тэхналогій рэгулявання дарожнага руху.
У прыватнасці, правяраюць:
- новыя транспартныя і пешаходныя святлафоры з іншай канструкцыяй;
- спецыяльныя кнопкі для пешаходаў, з дапамогай якіх можна выклікаць дазваляльны сігнал;
- асвятленне, якое падсвечвае зоны падыходу да пешаходных пераходаў.
Асаблівасць новых пешаходных святлафораў у тым, што яны маюць квадратную форму і могуць паказваць анімаваныя выявы — напрыклад, рухомую фігурку чалавека. Акрамя таго, яны здольныя выводзіць тэкставую інфармацыю.
Калі праект пакажа добрыя вынікі, падобныя рашэнні могуць з’явіцца і ў іншых частках горада.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
[Зрэдагавана]