Atrymali prysud fihuranty spravy ab najbujniejšym u historyi Biełarusi chabary
Jany vymahali ŭ dyrektara adnoj z budaŭničych arhanizacyj 7 młn. dalaraŭ ZŠA.
14 krasavika ŭ sudzie Centralnaha rajona Minska byŭ ahučany pryhavor u dačynieńni da fihurantaŭ spravy ab samym bujnym chabary ŭ historyi Biełarusi. Piać čałaviek pryhavorany da pazbaŭleńnia voli na terminy ad šaści da dzieviaci z pałovaj hadoŭ.
Vinavatymi ŭ padbuchtorvańni da dačy chabaru ŭ bujnym pamiery, zamachu na machlarstva, učynienym arhanizavanaj hrupaj u asabliva bujnym pamiery, niezakonnym zavałodańni majomaściu, niezakonnaj pradprymalnickaj dziejnaści pryznany Aleh Žukoŭski, Alaksandr Pašuk, Juryj Michajłoŭski, Mikałaj Pienkrat i Viktar Baroŭnik.
Nahadajem, u sakaviku 2006 hoda pravaachoŭnymi orhanami była atrymana apieratyŭnaja inframacyja ab słužbovych asobach šerahu bujnych pradpryjemstvaŭ Minska, jakija vymahali ŭ dyrektara adnoj z budaŭničych arhanizacyj 7 młn. dołaraŭ ZŠA. Pavodle ich słoŭ, hetyja hrošy byli nibyta nieabchodnyja dla nastupnaj pieradačy ŭ jakaści chabaru kiraŭnikam Minskaha rajvykankama za stanoŭčaje vyrašeńnie pytańnia ab pradastaŭleńni zabudoŭščyku 20 hiektaraŭ ziamli kala nasielenaha punkta Kopišča Minskaha rajona pad indyvidualnaje žyllo. Va ŭmovy hetaj «ździełki» taksama ŭvachodziła vyviadzieńnie zhadanaj terytoryi sa składu sielhasuhodździaŭ i nastupnaje ŭzhadnieńnie rašeńnia ab hetym u staršyni Minabłvykankama. Złačyncy byli zatrymany pry pieradačy pieršaj častki ahavoranaj sumy ŭ 1,5 młn. dołaraŭ ZŠA. U chodzie rasśledavańnia kryminalnaj spravy prynaležnaść da złačynstva słužbovych asob Minskaha rajvykankama, Minskaha abłvykankama i Minharvykankama nie ŭstanoŭlena. Jak zajavili ŭ MUS, infarmacyja ab tym, što hrošy nibyta pryznačalisia pradstaŭnikam vykanaŭčaj ułady roznaha ŭzroŭniu, zychodziła ab abvinavačvanych.
A.Žukoŭskaha sud pryhavaryŭ da dzieviaci z pałovaj hadoŭ pazbaŭleńnia voli z kanfiskacyjaj majomaści, A.Pašuka — da šaści z pałovaj hadoŭ turemnaha źniavoleńnia z pazbaŭleńniem prava zajmacca pradprymalnickaj dziejnaściu terminam na čatyry hady, Ju.Michajłoŭskaha — da šaści hadoŭ pazbaŭleńnia voli, M.Pienkrata — da vaśmi hadoŭ źniavoleńnia z kanfiskacyjaj majomaści, V.Baroŭnika — da dzieviaci hadoŭ pazbaŭleńnia voli taksama z kanfiskacyjaj majomaści.
Sud taksama pryniaŭ rašeńnie spahnać z A.Pašuka 49 młn. 540 tys. rubloŭ, jakija jon atrymaŭ u vyniku niezakonnaj pradprymalnickaj dziejnaści.
Pryhavor nabudzie moc praz 10 dzion paśla jaho abviaščeńnia i za hety čas moža być abskardžany ŭ sudzie vyšejšaj instancyi.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach28
Kamientary