Jak vy staviciesia da kandydataŭ u deputaty, jakija zaklikajuć da bajkotu vybaraŭ?
Apytańnie žycharoŭ Mahilova.
«Heta niapravilna. Chto choča — toj hałasuje, chto nie choča — toj nie hałasuje. Ja naohuł nie cikaŭlusia hetymi vybarami. Jość u mianie pytańni da tych, chto siadzić tam moŭčki. Čaho jany tam siadziać? Jany robiać tam svaju karjeru! Ni pra kaho jany nie dumajuć!».
«Ja nie dumaju, što mnohija pahodziacca nie pajści na vybary. Nie hatovyja jany jašče da hetaha kroku! To bok jany mohuć być nie zhodnyja, ale ŭsio adno jany pojduć — taki mientalitet naš».
«Voś čaho jany pajšli? Mo pakazać, što jany nie chočuć udzielničać u hulniach, jakija dyktuje nam źvierchu ŭłada? Ja b naohuł nie braŭ by ŭ ich udziełu. Hetyja vybary nie sapraŭdnyja. Jany iduć z parušeńniami».
«Napeŭna, nie padtrymlivaju
«Admoŭna. Na vybary iści treba. U hetym i jość demakratyja. Jakimi b jany ni byli, treba zrabić svoj vybar».
«Vybary? Ja ich ihnaruju. Naŭrad ci ja pajdu. Chto choča — niachaj idzie, chto nie choča — niachaj nie idzie. U mianie jość adzin znajomy, dyk jon byŭ deputatam, kab atrymać dobruju piensiju».
«Heta niapravilna. Kali jany nie sumlennyja, to treba arhanizavać narod, kab narod uvieś nie pajšoŭ. Heta ž treba kožnaha pierakanać, kab čałaviek zrazumieŭ, što tudy iści nielha. Ale ž ja liču, što heta ŭsio pustoje i iści treba».
«U lubym vypadku iści treba. Navat, kali ty nie zhodny, ty možaš prahałasavać suprać usich. Prynamsi, z hetaha budzie vidać, što nivodzin z kandydataŭ ciabie nie zadavalniaje. Kali ž čałaviek nie idzie, to heta miažuje z abyjakavaściu, a nie z pratestam».
«Admoŭna. U kožnaha pavinna być svajo mierkavańnie. Čamu jany mnie pavinny naviazvać svajo mierkavańnie? Kali ja zhodnaja — ja pajdu, kali nie, to nie pajdu».
«Admoŭna. Heta naviazvańnie svajho mierkavańnia. U čałavieka jość prava vybaru. Čałavieku treba dać vybar. Dalej sam vyrašaje, iści jamu na vybary, ci nie».
«Admoŭna. Heta nie dobra zaklikać narod nie iści na vybary. Vybary pavinny być česnymi».
«Ja b nie padtrymaŭ takich ludziej. Jany addajuć pieravahu tamu, kab kraina stajała na adnym miescy. Ułada pavinna mianiacca. Novyja ludzi pavinny prychodzić».
Kamientary