MZS Litvy abskardzić rašeńnie Vilenskaha suda pa spravie Piefcijeva
Ministerstva zamiežnych spraŭ Litvy maje namier abskardzić rašeńnie Vilenskaha akruhovaha administracyjnaha suda, jaki 27 žniŭnia zadavoliŭ skarhu biełaruskaha biźniesmiena Uładzimira Piefcijeva na rašeńni MZS i Słužby rasśledavańniaŭ finansavych złačynstvaŭ Litvy ab zamarožvańni jaho asabistych rachunkaŭ. Pra heta paviedamiła kiraŭnik departamienta pa suviaziach z hramadskaściu Hina Kazłaŭskienie.
«27 žniŭnia Vilenski akruhovy administracyjny sud zadavoliŭ skarhu istcoŭ — hramadzianina Biełarusi Uładzimira Piefcijeva i źviazanych ź im biełaruskich pradpryjemstvaŭ „Biełtechekspart“, „
Pavodle słoŭ Kazłaŭskienie, paśla aznajamleńnia z rašeńniem suda MZS Litvy pryniaŭ rašeńnie padać apielacyju, tamu što «ličyć vykładzienyja sudom arhumienty nieabhruntavanymi i niespraviadlivymi».Jak zaznačyła pradstaŭnik MZS, sud nie acaniŭ šerah važnych akaličnaściej, u tym liku nie byli ŭziatyja pad uvahu arhumienty, što «vyklučeńni adnosna sankcyj nie mohuć prymianiacca aŭtamatyčna».
«Z ulikam taho, što sudovy praces praciahvajecca, my ŭstrymlivajemsia ad dalejšych kamientaryjaŭ pa hetym pytańni», — zajaviła Kazłaŭskienie.
Jak paviedamlaje partał delfi.lt, u paviedamleńni dla presy Vilenskaha akruhovaha administracyjnaha suda zaznačajecca: «Pryniatyja MZS rašeńni nie padmacavanyja faktyčnymi akaličnaściami, nie matyvavanyja, nie ŭkazany paradak ich abskardžańnia, tamu jany nie mohuć być pryznanyja zakonnymi i abhruntavanymi».
Jak rastłumačyŭ litoŭski palitołah Vicis Jurkonis, havorka idzie ab razbłakiroŭcy srodkaŭ, vydzielenych litoŭskaj advakackaj kantory Lawin u jakaści apłaty advakataŭ Piefcijeva.Heta jurydyčnaja kampanija ŭjaŭlaje intaresy Piefcijeva ŭ čatyroch iskach, padadzienych im suprać Savieta ES letaś. U ich Piefcijeŭ patrabuje admianić sankcyi, uviedzienyja suprać jaho i jaho kampanij.
Kamientary