Na pierachod da biaźvizavaha režymu Rasii i ES spatrebicca nie bolš za paŭtara hoda. Z takoj hučnaj zajavaj vystupiŭ kiraŭnik rasijskaha MZS Siarhiej Łaŭroŭ,
paviedamlaje telekanał «Dožd́».
«My spadziajemsia, što heta zadača, jakaja nie pavinnaja zaniać paŭtara, skažam, hoda», — skazaŭ Siarhiej Łaŭroŭ paśla pieramovaŭ z kiraŭnikom MZS Kipra Erato Kozaku Markuli.
Kipr sioleta staršyniuje ŭ ES. Bolšaść ekśpiertaŭ zhodnaja z tym, što ciapier admiena viz — palityčnaje rašeńnie. Usie asnoŭnyja techničnyja ciažkaści pamiž Rasijaj i ES užo likvidavany. U tym liku padpisany i dahavor ab readmisii. Heta značyć, Maskva hatovaja prymać da siabie nazad tych, chto praz terytoryju krainy niezakonna pranik u JEZ. Palitołah Iryna Kobrynskaja ŭpeŭnienaja, što biez važkich padstavaŭ Łaŭroŭ nie zrabiŭ by takoj kankretnaj zajavy, adnak sumniajecca, što sam termin «admiena viz» u dadzienym vypadku budzie aznačać mienavita poŭnuju adsutnaść
«U mianie takoje adčuvańnie, što niejkija abmiežavańni napeŭna zastanucca. Mnie ciažka vykazać zdahadku, što praz paŭtara hoda adbudziecca niejkaje takoje paciapleńnie, voś tak u nas usio budzie šakaładna i vydatna, što naohuł vizy buduć admienienyja tak, jak jany admienienyja, dapuścim, ź Izrailem», — kaža palitołah. Ekśpiert paraŭnoŭvaje pytańnie z admienaj viz z ustupleńniem Rasii ŭ SHA. Heta prablema, jakuju abmiarkoŭvajuć hetak ža doŭha i šyroka. Z abodvuch bakoŭ pieryjadyčna robiacca zajavy, ale ŭ adzin cudoŭny momant u dziejańnie prychodzić niejki schavany miechanizm, i nievyrašalnyja raniej supiarečnaści jak byccam źnikajuć.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy36
Kamientary