Cyrymonija ŭznaharodžańnia projdzie 26 maja a 18-j u halerei «Ŭ» (Niezaležnaści, 37a, Minsk). Viadučy imprezy — Lavon Volski.
Nahadajem, što sioleta ŭ šort-list pieramožcaŭ konkursu ŭvajšli 46 pres-fatohrafaŭ.
Hran-pry konkursu pieramožca atrymaje z ruk stałaha člena žury konkursu «Pres-fota Biełarusi», kiraŭnika maskoŭskaha biuro «Associated Press», pulitceraŭskaha łaŭreata Alaksandra Ziemlaničenka. Viadučym mierapryjemstva budzie viadomy śpiavak Lavon Volski, jaki paśla ŭznaharodžańnia udzielnikaŭ zładzić nievialiki kancert.
U suviazi z tym, što pamiaškańnie halerei nievialikaje, uvachod na mierapryjemstva budzie pa papiarednim zapisie (+375 29 6868333, Jula).
Vystava pracaŭ pieramožcaŭ konkursu budzie dastupnaja dva dni: 26 maja z 12.00 da 18.00 i 27 maja z 14.00 da 22.00.
Akramia hetaha, u ramkach prajekta «Pres-fota Biełarusi-2012» projduć dźvie tvorčyja sustrečy:
27 maja, z 11.00 da 14.00 — sustreča finalistaŭ konkursu 2010-2012 hadoŭ z Alaksandram Ziemlaničenka (ŭvachod pa papiarednim zapisie, (+375 29 6868333, Jula).
27 maja, z 14.00 da 15.00 — sustreča ź pieramožcami «Pres-fota Biełarusi». Papiarednie — Natalla Abłažej (BIEŁTA), Alaksandr Vasiukovič, Siarhiej Hryc (Associated Press), Siarhiej Hudzilin (Naša Niva), Taćciana Ziańkovič (JERA), Vasil Fiadosienka (Reuters). Uvachod volny.
***
«Pres-fota Biełarusi» — konkurs fatohrafaŭ, jakija pracujuć u śfiery miedyja. Byŭ zasnavany ŭ 2009 h. ajčynnymi fotareparciorami. Pravodzicca štohod. U konkursie biaruć udzieł supracoŭniki jak dziaržaŭnych, tak i niedziaržaŭnych ŚMI. U 2011 hodzie hrani-pry atrymaŭ fatohraf «Našaj Nivy» Siarhiej Hudzilin.
Kamientary