S&P palepšyła prahnoz pa rejtynhach čatyroch biełaruskich bankaŭ da «stabilnaha»
Słužba kredytnych rejtynhaŭ ahienctva Standard & Poor's źmianiła prahnoz pa rejtynhach AAT «Aščadny bank «Biełarusbank», AAT «Biełźniešekanambank», AAT«BPS-Aščadbank» i AAT «Biełahraprambank» z «niehatyŭnaha» na «stabilny». Adnačasova paćvierdžany doŭhaterminovy rejtynh «B-" i karotkaterminovy rejtynh «S», raniej prysvojenyja ŭsim čatyrom bankam, havorycca ŭ paviedamleńni ahienctva.
Rejtynhavyja dziejańni adbylisia za anałahičnym rejtynhavym dziejańniem u dačynieńni da Biełarusi (prahnoz pa rejtynhach krainy źmienieny z «niehatyŭnaha» na «stabilny» z pryčyny palapšeńnia ekanamičnych pakazčykaŭ i likvidnaści; rejtynhi «V-/S» paćvierdžany).
«Źmiena prahnozu pa rejtynhach čatyroch bankaŭ adlustroŭvaje naša mierkavańnie ab tym, što ciažkaści z pryciahnieńniem karotkaterminovaha źniešniaha finansavańnia ŭ biełaruskuju sistemu dziaržaŭnych finansaŭ istotna pamienšylisia dziakujučy novym krynicam finansavańnia i prytoku kapitału, najpierš z Rasii. My adznačajem, što biełaruskaja ekanomika demanstruje prykmiety stabilizacyi ŭ suviazi ź libieralizacyjaj valutnaha kursu, sa źnižeńniem inflacyi i ź viartańniem depazitaŭ u bankaŭskuju sistemu. Adnak surjoznyja dysbałansy ŭ ekanomicy Biełarusi niehatyŭna adbivajucca na jakaści aktyvaŭ i likvidnaści bankaŭ hetaj krainy. My ličym, što ŭ 2012 i 2013 hh. biełaruskija banki buduć adčuvać ryzyku dalejšaha paharšeńnia situacyi ŭ hetych halinach», — adznačyli ŭ ahienctvie.
«Dalejšyja rejtynhavyja dziejańni ŭ dačynieńni da čatyroch bankaŭ mohuć być abumoŭleny źmienami suvierennych rejtynhaŭ pa abaviazacielstvach u zamiežnaj valucie Biełarusi abo našaj acenki ryzyki pieravodu i kanviersavańnia valuty dla biełaruskich niesuvierennych pazyčalnikaŭ», — udakładnili ŭ Standard & Poor's.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy38
Kamientary