Alena Kavalenka: Da Siarhieja padsadžvali viaźniaŭ ź nizkim statusam
Z hetym była źviazanaja jahonaja sproba parezać vieny.
19 krasavika ź Siarhiejem Kavalenkam u «Navinkach» sustrełasia žonka Alena Kavalenka. Spatkańnie doŭžyłasia ŭsiaho 20 chvilin.
«Nie mahu nie adznačyć, što nastroj u jaho lepšy. Krychu lepš jon vyhladaje, ale ŭsio roŭna ŭ jaho zastalisia prablemy sa zdaroŭjem. Źjavilisia prablemy z boku nyrak, spravakavanyja naŭmysnymi i nieprafesijnymi dziejańniami lekaraŭ u kalonii „Vićba-3“, jakija ŭvodzili Siarhieju admysłovy katetar, šmat času jaho nie vymali i niedakładna apracoŭvali.
Jašče jon mnie znoŭ raspavioŭ pra ździeki, jakija ź im adbyvalisia ŭ kalonii „Vićba-3“. Heta i toje, što nie davali jamu spać, kali ŭklučali nad im lampy, jakija hareli ŭsiu noč, pakul jon byŭ pryviazany da łožka ciaham troch dzion.Akramia taho da jaho padsadžvali asudžanych ź nizkim sacyjalnym statusam — mienavita z hetym była źviazanaja jahonaja sproba parezać vieny. Voś takimi hniusnymi zachadami na jaho sprabavali ŭździejničać. Tut, skazaŭ, sytuacyja ŭsio ž lepšaja, lepšy persanał. Za im nazirajuć, ale ŭsio ž lepš. Dali nam na razmovu 20–25 chvilin, tamu ja nia ŭsio paśpieła ŭ jaho zapytać», - kaža jana.
Alena Kavalenka kaža, što jaje muž pje soki, jeść harodninu i sadavinu. Pavodle apošnich dadzienych, Siarhiej Kavalenka važyŭ 52 kilahramy, ale žonka viaźnia nie daviaraje hetym źviestkam, bo hetulki Siarhiej važyŭ u dzień, kali jaho pryvieźli ŭ «Navinki» ź «Vićby-3», a kaloniju jon pakinuŭ pry vazie 46 kilahramaŭ.
«Ja pa-raniejšamu nastojvaju na tym, kab Siarhieja źmiaścili ŭ cyvilny špital pad nahlad cyvilnych medykaŭ.Tut navat nie dali sustrecca ź lekarami, daviałosia havaryć praz telefon. Namiaknuli, što ŭ „Navinkach“ Siarhieja doŭha trymać nia buduć, a potym jaho čakaje turma i novyja prablemy», — skazała Alena Kavalenka.
Ciapier čytajuć
Stali viadomyja padrabiaznaści pra trahiedyju ŭ Połackim manastyry18
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary