Dabračynny kancert u dapamohu 22-hadovaj mastački Stasi Majstrenka - 18 sakavika

Maładoj biełaruskaj mastačcy Stasi Majstrenka patrebnaja dapamoha ŭ baraćbie ź ciažkoj chvarobaj. U Stasi sarkoma lohkich. Usie siabry 22-ch hadovaj, žyćcialubivaj dziaŭčyny, starajucca dapamahčy čym mohuć. Bo šaniec na vyzdaraŭleńnie kaštuje nie małych hrošaj. Ciapier usio zaležyć ad nieabyjakavaści kožnaha z nas.

18 sakavika (niadziela) adbudziecca dabračynny kancert, dzie buduć źbiracca srodki na lačeńnie Stasi. U unplugged-farmacie vystupiać Rusia i CherryVata crew, hurt Sounduk, Palina Respublika, a taksama hurt BosaeSonca.

Na kancercie taksama adbudziecca aŭkcyjon-rasprodaž tvoraŭ mastactva ad roznych biełaruskich tvorcaŭ, siabroŭ Stasi i prosta nieabyjakavych ludziej mastactva.

«Dobraja niadziela!» — heta toj prykład, kali muzyki z roznych tusovak abjadnalisia z adnoj metaj — dapamahčy čałavieku, jakomu sapraŭdy patrebnaja dapamoha. Dapamahčy moža i kožny z vas!

Uvachod na kancert budzie kaštavać dabravolnaha achviaravańnia na lačeńnie Stasi, sumu jakoha kožny vyrašyć dla siabie sam.

Adbudziecca unplugged-kancert «Dobraja niadziela!» 18 sakavika ŭ kafe «Loft» (Minsk, vuł. Piatrusia Broŭki 22). Pačatak, a 18:00.

Tyja ž, chto na kancert trapić nia zmohuć, majuć mahčymaść dapamahčy Stasi, pieraličyŭšy hrašovaje achviaravańnie. Padrabiaznyja dadzienyja dabračynnych rachunkaŭ možna pabačyć tut — belarusbank.by.

***

Mienskaja mastačka i studentka Stasia Majstrenka chvoraja na sarkomu lohkich. Paśla paŭtarahadovaha lekavańnia i niekalkich chimijaterapij u jaje źjaviŭsia šaniec na vyzdaraŭleńnie, prykładna 10 adsotkaŭ. Stasi ŭsiaho tolki 22 hady. Jana, jak i mnohija z nas, lubić žyćcio, lubić svaju krainu, zaŭsiody była ŭ centry padziejaŭ, abjeździła mnostva muzyčnych i mastackich festyvalaŭ. Jak kažuć, žyćciaradasnaja i lohkaja na ŭzdym.

Tak było. Jašče paŭtara hady tamu. A potym jana raptam pačała kašlać. Miesiac, druhi, treci. Abśledavańnie pakazała niezdarovaje ŭtvareńnie ŭ lohkim. Chimijaterapija, aperacyja. Na hetym usio nia skončyłasia. Rak.

U studzieni jana pavinna była vypravicca ŭ śpiecyjalizavanuju kliniku ŭ Izraili na abśledavańnie. Adnak na toj čas u Stasi paŭstali prablemy z sercam i daktary zabaranili pieralot. Heta možna zrabić zaraz, kab nie prablemy z apłataj.

Samo abśledavańnie kaštuje kala 5 tysiač dalaraŭ. Jakim budzie lačeńnie, a značyć, i jaho košt, pakul nieviadomy. Baćki Stasi dziela hetaha hatovyja pradać daču, mašynu, kvateru — kab sabrać patrebnuju sumu.

Biełarusaŭ zaŭsiody vydzialała dobraja jakaść — vyrašać prablemy tałakoj. Možna pasprabavać dapamahčy zachavać žyćcio maładoj dziaŭčynie i ŭ hetaj situacyi. Nievialikaja pasilnaja dapamoha dziesiaci, sotni, tysiačy čałaviek — heta adzin vialiki šaniec dla adnoj maładoj mastački.

Dziela hetaha ŭ «Biełarusbanku» na imia Stasi adkrytyja dabračynnyja rachunki.

Dabračynnyja rachunki adkryty ŭ filijale № 511 «Biełarusbanka» — h. Minsk, vuł. Daŭhabrodskaja, 1; UNP 100349858; MFA 153001815:

— Biełaruskija rubli — tranzitny rachunak № 3819382103561 na dabračynny rachunak № 000012 u adździaleńni № 511/234

— Dalary ZŠA — tranzitny rachunak № 3819382104993 na dabračynny rachunak № 000039 u adździaleńni № 511/234

— Jeŭra — tranzitny rachunak № 3819382104993 na dabračynny rachunak № 000007 u adździaleńni № 511/234

— Rasijskija rubli — tranzitny rachunak № 3819382104993 na dabračynny rachunak № 000010 u adździaleńni № 511/234

Pryznačeńnie płaciažu: Dabračynny ŭznos na lačeńnie Majstrenka Anastasii na dabračynny rachunak Majstrenka Anatola Ivanaviča ŭ adździaleńni 511/234 AAT «AAB Biełarusbank».

• 0
• 0
• 0
• 0
• 0
• 0
• 0
• 0