USankt-Pieciarburhu na sustrečy z futbolnymi zaŭziatarami premjer RF Uładzimir Pucin paviedamiŭ, što nastupny artykuł, jaki jon apublikuje ŭ adnoj z haziet, budzie pryśviečany nacyjanalnamu pytańniu.
«Ja hetamu pytańniu pryśviaču asobnuju ŭvahu, asobny artykuł napišu. U najbližejšy čas ja jaho apublikuju, ja ciapier nad im pracuju», — skazaŭ Pucin zaŭziataram, pra što paviedamlaje Interfaks.
«Kali niechta zachoča razburyć Rasieju, jon budzie bić mienavita pa nacyjanalnym pytańni, — praciahnuŭ jon. — U nas šmatnacyjanalnaja kraina, ale 80 ź lišnim pracentaŭ — heta rasiejcy. Heta etničny padmurak Rasii. Ale ja chaču skazać usim — i rasiejcam, i nierasiejcam: našy prodki budavali Rasiju tysiaču hadoŭ jak šmatnacyjanalnuju dziaržavu. I kali niechta vam budzie kazać, što treba stvaryć monaetničnuju dziaržavu, heta śpiecyjalna robicca, kab razburyć krainu, ci ludzi nie razumiejuć, što ruch u hetym napramku budzie aznačać nie što inšaje, jak adkidańnie Rasii i samich rasiejcaŭ u razrad treciaradnaj rehijanalnaj dziaržavy».
Na dumku Pucina, jakoj jon padzialiŭsia z zaŭziatarami, hramadskija arhanizacyi, u tym liku starejšyny, pavinnyja ŭpłyvać na maładych ludziej, jakija, jak nahadaŭ kiraŭnik urada, budučy hramadzianami Rasii, majuć prava pryjazdžać u luby rehijon, ale pavodzić siabie adpaviednym čynam. Letaś Pucin na pieradvybarčych sustrečach nie raz kazaŭ, što pryjezdžyja pavinnyja pavažać tradycyi miascovych žycharoŭ
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary