Dačka Muamara Kadafi Abša Kadafi źviarnułasia praz svajho advakata Nika Kaŭfmana ŭ Mižnarodny kryminalny sud (MKS), kab daviedacca pra rasśledavańnie hibieli baćki.Pra heta paviedamiŭ u sieradu sam Kaŭfman.
Jon napisaŭ prakuroru MKS list z metaj vyśvietlić, ci było pačataje rasśledavańnie pa fakcie zabojstva baćki Aišy i jaje brata Muatasima. U dakumiencie padkreślivajecca, što Muamar Kadafi i jaho syn Muatasim «byli zabityja asabliva žorstkim čynam, a ich cieły byli paźniej vystaŭlenyja na ŭsieahulny ahlad i padviarhalisia ździeku nasupierak musulmanskamu pravu».
Kaŭfman taksama zajaviŭ, što jaho klijentka pieražyła najmacniejšy niervovy stres paśla taho, jak «fatahrafii hetaj raspravy byli pakazanyja ŭsiamu śvietu». «Da hetaha času ni Aiša, ni jaje siamja nie byli prainfarmavanyja vašym ofisam (majecca na ŭvazie MKS) ab pačatku śledstva dla vyśviatleńnia abstavinaŭ hetych žorstkich zabojstvaŭ», — havorycca ŭ liście. Akramia taho, advakat źbirajecca vyśvietlić, ci pravodziać ciapierašnija livijskija ŭłady ŭłasnaje rasśledavańnie zdareńnia.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary