CUM pradaje šviejnyja tavary sa źnižkaj da 55%

Handlovyja arhanizacyi Minska praviaduć bolš za 2,5 tys. pieradnavahodnich i kaladnych mierapryjemstvaŭ,

U ich liku: prykładna 550 vystaŭ-dehustacyj charčovych tavaraŭ; pryblizna 1.000 vystaŭ-prodažu kulinarnych, kandytarskich vyrabaŭ; bolš za 300 vystaŭ-prodažu i rasprodažaŭ niecharčovych tavaraŭ; bolš za 370 rekłamnych akcyj z uručeńniem pakupnikam padarunkaŭ i suvienirnaj pradukcyi pry pakupcy, z rozyhryšam pryzoŭ; bolš za 370 rasprodažaŭ niecharčovych tavaraŭ sa źnižeńniem roźničnych cen za košt źmianšeńnia handlovych nadbavak mahazinami i adpusknych cen pradpryjemstvami-vytvorcami.

Miescy praviadzieńnia — univiermahi, univiersamy, handlovyja arhanizacyi bujnoha i siaredniaha farmatu, firmiennyja i śpiecyjalizavanyja mahaziny horada.

U kožnym mahazinie kamplektujucca navahodnija padarunki pavodle zajavak pradpryjemstvaŭ i ŭstanoŭ i ažyćciaŭlajecca ich vodpusk pa bieznajaŭnym raźliku.

Taksama handlovymi arhanizacyjami prapanoŭvajecca raznastajny asartymient navahodnich baułaŭ u malaŭničym afarmleńni vahoj ad 130 h da 2,5 kh koštam ad 10 da 214 tys. rubloŭ vytvorčaści SAAT «Kamunarka», SP AAT «Spartak», AAT «Kandytarskaja fabryka «Słodyč».

Bujnymi ŭniviermahami horada da Kalad i Novaha hoda pravodziacca akcyi, rasprodažy z demanstracyjaj madelaŭ i źnižeńniem cen, rekłamnyja hulni z uručeńniem padarunkaŭ i pryzoŭ.

Arhanizavany prodaž pradukcyi viadučych biełaruskich vytvorcaŭ, a taksama impartnych tavaraŭ (šviejnyja, trykatažnyja, pančošna-škarpetkavyja vyraby, abutak, skurhałantareja, teleradyjotavary, bytavaja technika, suvieniry, juvielirnyja vyraby i mnohaje inšaje) sa źnižkaj 10–50%.

CUM «Minsk» pradaje šviejnyja vyraby sa źnižkaj da 55%. HD «Na Niamizie» — hadzińniki, hałantarejnyja i kulttavary, elektraaparaturu, televizary, prajhravalniki, piečy ZVČ sa źnižkaj 15–30%. Univiermah «Biełaruś» — radyjotavary, asobnyja madeli dziciačych šviejnych vyrabaŭ sa źnižkaj 5%. UP «Kirmaš» — abutak, šviejnyja vyraby sa źnižkaj 3–20%. Mahazin «Padarunki» — trykatažnyja tavary, juvielirnyja vyraby i inšaje sa źnižkaj 10%.

Na Kamaroŭskim rynku firmienny mahazin UP «Minski choładakambinat № 2» prapanoŭvaje miasa ptuški i paŭfabrykaty sa źnižkaj 12%, šeść vidaŭ marožanaha sa źnižkaj 10%, RUP «Minsk Kryštal» — viny vinahradnyja małdaŭskija raźlivu «Kryštala» sa źnižkaj da 15% i h.d.

Jak paviedamiła pres-słužba, «dla stvareńnia śviatočnaha nastroju pakupnikoŭ i haściej stalicy z 20 pa 31 śniežnia na terytoryjach, jakija prylahajuć da ŭniviermahaŭ i bujnych handlovych abjektaŭ, buduć pravodzicca mierapryjemstvy z udziełam kazačnych i navahodnich piersanažaŭ, jakija buduć zaprašać naviedać abjekty handlu i hramadskaha charčavańnia».

• 0
• 0
• 0
• 0
• 0
• 0
• 0
• 0