U metach pavyšeńnia zacikaŭlenaści subjektaŭ haspadarańnia — rezidentaŭ u naroščvańni ekspartu pasłuh, stymulavańnia pastupleńnia ekspartnaj valutnaj vyručki ŭ krainu Nacyjanalny bank dazvoliŭ subjektam haspadarańnia — rezidentam praviadzieńnie raźlikaŭ u zamiežnaj valucie na terytoryi Respubliki Biełaruś pry akazańni šerahu pasłuh fizičnym asobam — nierezidentam.Adpaviedny list Nacyjanalnaha banka ad 13 vieraśnia 2011 № 31–13/608 «Dazvoł na praviadzieńnie raźlikaŭ u zamiežnaj valucie ź fizičnymi asobami — nierezidentami pry eksparcie pasłuh» nakiravany ŭsim bankam dla vykarystańnia ŭ pracy i infarmavańnia svaich klijentaŭ, paviedamlaje
Vydadzieny ahulny dazvoł achoplivaje akazańnie turystyčnych pasłuh, pasłuh u śfiery hatelnaha biznesu, azdaraŭlenčymi ŭstanovami (sanatoryjami, prafiłaktoryjami, damami adpačynku, turystyčnymi bazami), miedycynskich pasłuh, pasłuh pa navučańni, stažyroŭcy i pavyšeńni kvalifikacyi.
U adpaviednaści z pryniatym rašeńniem raźliki ŭ zamiežnaj valucie za pieraličanyja pasłuhi mohuć ažyćciaŭlacca šlacham uniasieńnia fizičnaj asobaj — nierezidentam najaŭnaj zamiežnaj valuty ŭ kasu banka dla jaje zaličeńnia na rachunak subjekta haspadarańnia — rezidenta.
Pieravahaj ažyćciaŭleńnia takich raźlikaŭ źjaŭlajecca źnižeńnie vydatkaŭ pradpryjemstva (adsutničaje nieabchodnaść u arhanizacyi raboty kasy pradpryjemstva, najmańni kasavaha rabotnika, zakupcy daviedačnych materyjałaŭ i śpiecyjalnych techničnych srodkaŭ dla vyznačeńnia sapraŭdnaści najaŭnaj zamiežnaj valuty, apłacie inkasacyi ŭ bank valutnaj vyručki).
Kamientary