Jon byŭ znakamitym načalnikam štaba vojskaŭ Respubliki Sierbskaj, abvinavačvajecca u vajennych złačynstvach u padčas baśnijskaj vajny.
U Sierbii złoŭleny Ratka Mładzič, znakamity načalnik štaba vojska Respubliki Sierbskaj, jakoha abvinavačvajuć u vajennych złačynstvach padčas baśnijskaj vajny.Pracedura ekstradycyi aryštavanaha ŭ Haahu ŭžo pačałasia, abviaściŭ prezident Sierbii Barys Tadzič.
Hienierał Ratka Mładzič, jaki ŭznačalvaŭ vojska baśnijskich sierbaŭ padčas hramadzianskaj vajny ŭ Bośnii ŭ 1992–1995 hadach, byŭ schopleny ŭ chodzie tajemnaj śpiecapieracyi, praviedzienaj siłami sierbskich śpiecsłužbaŭ na terytoryi respubliki. Pra heta abviaściŭ prezident Sierbii Barys Tadzič.
«Ad imia Respubliki Sierbija abjaŭlaju, što rana ranicaj u chodzie apieracyi, praviedzienaj pry kaardynacyi Ahienctva pa biaśpiecy i vyviedcy i Słužby pa vyjaŭleńni vajennych złačynstvaŭ byŭ aryštavany Ratka Mładzič. Hetym aryštam Sierbija zmyła ź siabie vialikaja plamu», — zajaviŭ Tadzič, dadaŭšy, što praces ekstradycyi ŭ Haahu ŭžo pačaŭsia.
Kiraŭnik dziaržavy dadaŭ, što Mładzič byŭ złoŭleny na sierbskaj terytoryi, ale admoviŭsia paviedamić kankretnyja detali zatrymańnia. Pa dadzienych haziety «Viačernija naviny», vajenny lider baśnijskich sierbaŭ byŭ schopleny ŭ vioscy Łazarus niepadalok ad nasielenaha punkta Zrenianin ŭ 5 ranicy pa miascovym časie (6 ranicy pa Minsku).
Mładzič vydavaŭ siabie za niejkaha Miłarada Komadziča. Pierakanacca ŭ tym, što hety pažyły čałaviek sapraŭdy źjaŭlajecca byłym kiraŭnikom štaba vojskaŭ Respubliki Sierbskaj, udałosia pry paraŭnańni asablivych prykmietaŭ.
Paśla zatrymańnia byŭ praviedzienyblic-test DNK, jaki padćvierdziŭ asobu Mładziča. U ciapierašni čas jon znachodzicca ŭ adnym z abjektaŭ Ahienctva pa biaśpiecy ŭ Biełhradskim pryharadzie.
Adkazvajučy na pytańni reparcioraŭ, prezident Tadzič adchiliŭ lubuju suviaź pamiž apieracyjaj i niadaŭniaj krytykaj hałoŭnaha prakurora Mižnarodnaha trybunała pa byłoj Juhasłavii (MTBIU) Sierža Brammierca, jaki zajaviŭ niadaŭna, što sierbskija śpiecsłužby robiać niedastatkova dla vyšuku vajennych złačyncaŭ, u pryvatnaści Mładziča. «My nie zabylisia ab nieabchodnaści pryvieści da pravasudździa Horana Chadžyča i (…) Ratki Mładziča», — zajaviŭ sierbski prezident. «Usie tyja, chto ździejśniŭ heta (vajennyja złačynstvy), buduć pakaranyja niezaležna ad taho, pracavali jany na dziaržaŭnyja struktury ci nie», — dadaŭ jon.
Uličvajučy vysoki ŭzrovień nacyjanalistyčnych nastrojaŭ u Sierbii, Tadzič znajšoŭ patrebnym padkreślić, što ŭsie tyja, chto chočuć «ŭvieści Sierbiju ŭ palityčnuju niestabilnaść, buduć zakonnym čynam pakaranyja».
Paśla aryštu ŭ lipieni 2008 hoda prezidenta baśnijskaj Respubliki Sierbskaj Radavana Karadžyča Mładzič i prezident samaabvieščanaj Respubliki Sierbskaja Kraina Horan Chadžyč zastavalisia samymi niebiaśpiečnymi vajennymi złačyncami časoŭ baśnijskaj vajny.
Na ich sumleńni, śćviardžajuć prakurory MTBIU, moža lažać adkaznaść za hibiel 200 tys. čałaviek.
Pieršyja abvinavačvańni MTBIU byli vysunutyja suprać hienierała, kali jon jašče ŭznačalvaŭ sierbskija vojski ŭ Bośnii, u lipieni 1995 hoda. Jany ŭklučali ŭ siabie 16 punktaŭ, u tym liku adzin epizod pa abvinavačvańni ŭ hienacydzie i try epizody pa «złačynstvach suprać čałaviečnaści», jakija datyčyli šmatmiesiačnaj abłohi sierbskimi vojskami pad jaho kamandavańniem baśnijskaj stalicy Sarajeva, achviarami jakoj stali da 10 tys. čałaviek. Druhaja sieryja abvinavačvańniaŭ z 20 punktaŭ była pradjaŭlena ŭ listapadzie taho ž hoda i tyčyłasia raźni ŭ Srebranicy, kali sierbskija padraździaleńni u parušeńnie statusu «zony biaśpieki», uvajšli na terytoryju musulmanskaha ankłava i zabili nie mienš jak 7 tys. biazzbrojnych mužčyn- musulman.
Paśla spynieńnia vajny Mładzič byŭ zvolnieny ŭ 1996 hodzie z pasady kiraŭnika vajskovaha štaba, u 1996 hodzie źnik z terytoryi Bośnii i Hiercahaviny, jak tolki kantynhient NATA abviaściŭ pra jaho vyšuk z metaj pieradačy ŭ ruki Haahskaha trybunała. Jaho ślady aficyjna byli stračanyja ŭ 2002 hodzie.
Brusel, jaki aceńvaŭ uzrovień kaapieracyi aficyjnaha Biełhrada ŭ pytańni pošuku vajennych złačyncaŭ jak niedastatkovy, byŭ hałoŭnaj pieraškodaj na pieramovach ab uvachodžańni Sierbii ŭ Jeŭrasajuz, vitaŭ aryšt Mładziča.
Viarchoŭny pradstaŭnik Jeŭrasajuza pa źniešniaj palitycy, baranesa Ketryn Eštan zajaviła, što hienierał Mładzič nieadkładna pavinien być vydadzieny Haahskamu trybunału pa byłoj Juhasłavii.
«Heta važny krok i dla Sierbii, i dla mižnarodnaha pravasudździa», — havorycca ŭ jaje zajavie.«Paŭnavartasnaje supracoŭnictva z Haahskim trybunałam stanie hałoŭnaj umovaj, jakaja nablizić Sierbiju da ŭstupleńnia ŭ Jeŭrasajuz», — taksama paviedamiła jana.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary