Apieratyŭniki ličać, što hetyja ludzi pry ŭviadzieńni chvorym impartnych preparataŭ śviadoma źmianšali dozy.
Miedpiersanał Minskaha haradskoha kliničnaha ankałahičnaha dyspansiera padazrajecca ŭ kradziažy darahich lakarstvaŭ, paviedamili va HUUS Minharvykankama.
Pad padazreńnie milicyi papali dźvie miedsiastry.
Apieratyŭniki ličać, što hetyja ludzi, atrymlivajučy darahija miedycynskija preparaty, pry ŭviadzieńni ich chvorym śviadoma źmianšali dozy.Takim čynam, imi ŭvohule byli vykradzieny lakarstvy koštam nie mienš jak Br59 młn.
Akramia taho, pry vobšuku ŭ adnoj ź miedsiaścior była znojdziena i kanfiskavana partyja darahich preparataŭ dla lačeńnia ankałahičnych zachvorvańniaŭ, jakija raniej pastupili ŭ dyspansier, a taksama znojdziena bujnaja suma najaŭnych hrašovych srodkaŭ. Miarkujecca, što heta vyručka za partyju vykradzienych lakarstvaŭ.
Ustanoŭlena, što preparaty realizoŭvalisia praz naładžanuju sietku pasrednikaŭ u krainy SND.Ceny varjiravalisia, pryčym košt niekatorych lakarstvaŭ na čornym rynku dachodziŭ da Br6,5 młn. za ŭpakoŭku.
Pa hetych faktach uzbudžana kryminalnaja sprava pa č. 4 art. 211 «Prysvajeńnie abo rastrata» KK Biełarusi. Viaducca śledčyja dziejańni. U suviazi z hetym, milicyja zaklikaje ŭsich, čyje svajaki prachodzili lačeńnie ŭ nazvanaj ustanovie i byli vymušany pa patrabavańniu piersanału apłačvać naznačanyja darahija miedycynskija preparaty, pazvanić u Pieršamajskaje RUUS stalicy pa telefonach
Kamientary