Dziarždepartamient ZŠA vystupiŭ z zajavaj u suviazi z pačatkam sudovych pracesaŭ nad udzielnikami paślavybarčaj akcyi pratestu 19 śniežnia ŭ Minsku.
«Złučanyja Štaty vykazvajuć hłybokaje škadavańnie ŭ suviazi z tym, što ŭrad Biełarusi raspačaŭ pieršy sudovy praces nad zatrymanymi za ŭdzieł u prateście 19 śniežnia. My i mnohija inšyja ŭ mižnarodnaj supolnaści zaklikali da nieadkładnaha i biezumoŭnaha vyzvaleńnia ŭsich zatrymanych i nastojvajem na spynieńni pieraśledu hramadzianskaj supolnaści, niezaležnych ŚMI i palityčnaj apazicyi. I my paŭtarajem hety zaklik siońnia», — zajaviŭ na bryfinhu ŭ Vašynhtonie namieśnik aficyjnaha pradstaŭnika dziarždepartamientu Mark Tonier, paviedamlaje ruskaja słužba navin «Hołas Amieryki».
Nahadajem, udzielnika padziej Płoščy Vasila Parfiankova ŭčora asudzili na 4 hady strohaha režymu. Akramia taho, jon pavinien vypłacić bolš za 14 miljonaŭ rubloŭ za raźbityja dźviery ŭ Domie ŭrada padčas Płoščy. Spravu Parfiankova razhledzieli za dzień. Parfiankoŭ pryznaŭ vinu častkova — tolki toje, što jon braŭ udzieł u mirnaj akcyi na Płoščy 19 śniežnia.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary