Paśla vieraśnioŭskaha rekordu (1,6% za miesiac) kastryčnickaja inflacyja padałasia ŭmierana vysokaj — 1,1% za miesiac. Praŭda, zasmuciła charčavańnie — ježa ŭ kastryčniku padaražeła adrazu na 1,9% (2,2% u vieraśni). Z pačatku hoda spažyvieckija košty pavialičylisia na 7,9%, a pradukty stała daražejšyja na 9,6%.
U cełym na 2010 hod inflacyja zapłanavanaja ŭ miežach 8–10%, i šancy ŭtrymać jaje ŭ hetych miežach pakul jość, niahledziačy na pieradvybarčy rost zarobkaŭ. Taki štučny rost dachodaŭ nasielnictva niepaźbiežna padahreje inflacyju. Ale paślavybarčy inflacyja, mabyć, vartaja pieradvybarnych abiacańniaŭ.
Najbolš aktyŭna ŭ hetym hodzie daražeŭ harnir. Na fonie hračanaha ažyjatažu ceny na krupy vyraśli tolki za kastryčnik na 6,1%, a z pačatku hoda krupy padaraželi na 35,4%. Bulba ŭ kastryčniku padskočyła na 3,6%, a z pačatku hoda — na 37,7%. Zastajecca nadzieja na dastupnaść makaronnych vyrabaŭ. Z pačatku hoda jany padaraželi ŭsiaho na 0,9%, ale ŭ kastryčniku, mabyć, u suviazi z udarnych rostam cenaŭ na zbožža pryrost skłaŭ adrazu 3,2%. Anałahičnaja tendencyja pa analizavanaj Biełstatam harodninie — minus 13,6% z pačatku hoda, ale padaražeńnie na 23,5% u kastryčniku.
Pa vynikachstudzienia-kastryčnika cukar padaražeŭ na 27,8%, małako i małočnyja pradukty — na 14,1%, miasa i ptuška — na 9%, kiłbasy — na 8,6%, syr — na 14,3%. Alej za dziesiać miesiacaŭ nabraŭ u canie 28,2%, masła — 29,8%.
Bolš umieranym byŭ rost koštaŭ na muku (+1%), rybnyja kansiervy (4,5%), rybu (3,7%), chleb (3,6%), tytuniovyja vyraby (2,5%) .
Niecharčovyja tavary ŭ kastryčniku padaraželi na 0,4%, ad pačatku hoda — na 6,6%. U hetaj hrupie biezumoŭnym lideram zastajecca bienzin, cana na jaki vyzrasła z pačatku hoda na 17%, ale ŭ apošnija miesiacy rostu cenaŭ nie było. Mebla ŭ
Pasłuhi dla nasielnictva padaraželi ŭstudzieni-kastryčniku na 5,6%. Tut liderami rostu byŭ pasažyrski transpart (13,6%, pryčym haradski transpart padaražeŭ ŭžo na 19,1%, ale ŭ kastryčniku cana prajezdu nie źmianiałasia), pasłuhi dziciačych sadoŭ (10,8% za 10 miesiacaŭ). Prykmietna daražejšy ciapier pachod u teatr (25,7% z pačatku hoda) i azdaraŭleńnie ŭ sanatoryi (15,7%).
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary