Subotnim viečaram u Minsku pustujučy pikiet pa zbory podpisaŭ za Łukašenku pieratvaryŭsia ŭ harmidar.
U Dzień salidarnaści 16 kastryčnika akcyja z partretami źnikłych adbyłasia kala pikietu pa zbory podpisaŭ za Łukašenku.
Subotnim viečaram u Minsku pustujučy pikiet pa zbory podpisaŭ za vyłučeńnie ŭ prezidenty Alaksandra Łukašenki pieraŭtvaryŭsia ŭ ludski harmidar. Vypadkovyja ludzi na vulicy, nieviadomyja ludzi ŭ cyvilnym z kamierami, supracoŭniki Centralnaha RUUS źmiašalisia vakoł namiota prychilnikaŭ Łukašenki.
Poruč z Hałoŭnym univiermaham źjavilisia stendy z partretami źnikłych palitykaŭ Juryja Zacharanki, Viktara Hančara, biźniesoŭca Anatola Krasoŭskaha i žurnalista Dźmitryja Zavadskaha. Kala stendaŭ z vyjavami Łukašenki dy płakatami «Złačynca musić być pakarany!«stajali aktyvisty «Maładoha Frontu». Ludzi zacikavilisia dy spynialisia dla abmierkavańniaŭ.
Praz peŭny čas da Mikałaja Dziemidzienki padyšli supracoŭniki milicyi, kab papiaredzić ab niesankcyjanavanym pikietavańni.
Pravaachoŭnyja orhany i junaki damovilisia abyścisia biez kanfliktaŭ — moładzi dazvolili jašče niekalki chvilinaŭ pastajać, z umovaju, što paśla jany samastojna spyniać pikietavańnie i razyducca. Akcyja ciahnułasia, takim čynam, trochu bolš za 20 chvilinaŭ.
Pierad adychodam Mikałaj Dziemidzienka pasprabavaŭ pastavić stend u žoŭty namiot prychilnikaŭ Łukašenki. Adnak supracoŭniki milicyi paprasili chłopca nie parušać zakon. Stendy z partretami źnikłych maładafrontaŭcam daviałosia zabrać z saboju.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary