Paŭabaronca BATE Ihar Stasievič pierajšoŭ u kłub pieršaj rasijskaj lihi «Vołha»
Uradženiec Barysava — čatyrochrazovy čempijon Biełarusi (2006–2009), siarebrany pryzior čempijanatu Biełarusi (2004), dvuchrazovy ŭładalnik Kubka Biełarusi (2006, 2010), uładalnik Supierkubka Biełarusi (2010). Trojčy ŭklučaŭsia ŭ śpis 22 lepšych futbalistaŭ čempijanatu (2006–2008). U 2007 hodzie byŭ pryznany najlepšym paŭabaroncam nacyjanalnaha čempijanatu. Hulec nacyjanalnaj zbornaj Biełarusi. Stasieviču — 24 hady.
U siaredzinie lipienia ŭ suviazi ź lišniaj kolkaściu hulcoŭ Stasievič, a taksama forvard Alaksandr Ałumona byli vystaŭlenyja BATE na tranśfier. Ałumona pierajšoŭ u salihorski «Šachcior». Aprača taho, forvard Ahanies Haaran addadzieny ŭ arendu ŭ jerevanski «Piunik» da kanca hoda.
Paśla pieršaha kruha «Vołha» zajmaje piataje miesca ŭ pieršym rasijskim dyvizijonie, nabraŭšy ŭ 19 matčach 32 bały. Liderami źjaŭlajucca «Kubań» (Krasnadar) i «Krasnadar» — 37 i 35 bałaŭ adpaviedna.
Kamientary