Paśla matču čempijanatu śvietu zaŭziatary Japonii prybrali za saboj trybuny na stadyjonie
Zaŭziatary zbornaj Japonii znoŭ ździvili: na čempijanacie śvietu paśla hulni sa zbornaj Niderłandaŭ jany prybrali paśla siabie trybuny.
Hetaja tradycyja nie novaja i ciahniecca jašče ź minułaha stahodździa, piša Onliner.by.
Minułaj nočču japoncy zdoleli ździejśnić mini-siensacyju, zdabyŭšy adzin bał u matčy ź Niderłandami (2:2). Sustreča atrymałasia emacyjnaj: Japonija dvojčy adyhryvałasia, a apošni miač zabili ŭžo na 89‑j chvilinie.
Paśla matču japonskija zaŭziatary prybrali paśla siabie na stadyjonie.
Ličycca, što hetaja tradycyja ŭźnikła ŭ kancy minułaha stahodździa, i siońnia takija akcyi stali zvyčajnymi dla japonskich zaŭziataraŭ na čempijanatach śvietu, Alimpijskich hulniach i inšych bujnych spartyŭnych spabornictvach, u jakich udzielničaje Japonija.
Na minułym čempijanacie śvietu japonskija zaŭziatary pryjšli na matč adkryćcia pamiž krainaj-haspadarom Kataram i Ekvadoram, a zatym dapamahli prybrać trybuny, choć ich zbornaja ŭ toj sustrečy navat nie hulała.
Na pytańnie, navošta jany heta robiać, japoncy adkazvajuć: «Tacu tory ato vo nihasadzu». Dasłoŭny pierakład ź japonskaj: «Ptuška ničoha nie pakidaje paśla siabie». Ahulny sens taki: «Pakińcie heta ŭ tym vyhladzie, u jakim vy heta znajšli».
Padobnyja pavodziny japoncaŭ — heta prajava japonskaj kultury, dzie vialikaje značeńnie nadajecca čyścini hramadskich prastoraŭ i pavazie da navakolnych.
Na stadyi hrupavoha etapu japoncam jašče treba budzie zhulać sa Šviecyjaj i Tunisam.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary