U minułyja vychadnyja ŭ Minsku adbyŭsia 2‑hi mini‑futbolny turnir pamiaci Juryja Šyrokaha — byłoha namieśnika dyrektara infarmacyjnaj kampanii BiełaPAN.
U spabornictvach uziali ŭdzieł amatarskija kamandy, jakija pradstaŭlali BiełaPAN, redakcyju haziety «Komsomolskaja pravda» v Biełoruśsii», interniet‑partał open.by, a taksama zbornaja siabroŭ Juryja Šyrokaha «Siabry».
Pieramožcaj turniru stała kamanda BiełaPAN, jakaja paśladoŭna abyhrała «KP» v Biełoruśsii» (5:1), open.by (3:1) i «Siabroŭ» (6:2). Na druhim miescy — «Siabry», trecija — futbalisty open.by.
Lepšym hulcom turniru pryznany hałkipier BiełaPAN, šef‑redaktar interniet‑haziety «Biełorusskije novosti» Alaksandr Zajcaŭ, jaki atrymaŭ traŭmu ruki ŭ pieršym ža matčy, ale nie pakinuŭ apošni rubiež kamandy.
Namieśnik dyrektara infarmacyjnaj kampanii BiełaPAN Juryj Šyroki, u pamiać ab jakim pravodziŭsia turnir, raptoŭna pamior 13 studzienia 2008 hoda na 37‑m hodzie žyćcia ad vostraj sardečnaj niedastatkovaści.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar16
Kamientary