Pavodle acenki časopisa, jon nie zanadta blizki z Zachadam, i hatovy pryniać dapamohu Rasiei.
Siensacyjnuju zajavu zrabiŭ amierykanski časopis «Newsweek»: Kreml vyznačyŭsia, jakoha kandydata budzie padtrymlivać na prezidenckich vybarach u Biełarusi.
Praź piać hadoŭ paśla «kalarovych» revalucyjaŭ, jakija achapili krainy byłoha SSSR, u Kramla, narešcie, źjaviŭsia šaniec uziać revanš, piša «Newsweek».
Mahčyma, pa chutkim časie rasiejskija ŭłady zdolejuć zrynuć jašče dvuch kiraŭnikoŭ susiednich dziaržavaŭ -- Michaiła Saakašvili i Alaksandra Łukašenku, nie vyklučajuć žurnalisty.
Na dumku vydańnia, majucca ŭžo i adčuvalnyja vyniki: źmiena ŭłady va Ukrainie i Kyrhyzstanie. Nielha skazać, kab Maskva była adzinym architektaram źmieny ŭłady ŭ hetych krainach, ale, biezumoŭna, adyhrała klučavuju rolu, adznačaje vydańnie. Hetyja stratehičnyja pieramohi natchniajuć Kreml na novyja sproby źmianić režym u krainach, jakija ŭ Rasiei zavuć «blizkim zamiežžam».
Metaj №1, na dumku časopisa, źjaŭlajecca Hruzija ź jaje pranataŭskim prezidentam Saakašvili. Rasiejski palitołah Siarhiej Markaŭ zajaŭlaje, što Maskva rychtuje ŭ Hruzii «druhi Biškiek». I, chacia, heta hučyć jak vychvalańnie, ziarniatka praŭdy ŭ zajavach prakramloŭskaha deputata ŭsio ž jość, piša vydańnie.
Kreml zastajecca vierny svajoj stratehii - stvarać i ŭzmacniać hrupoŭki, jakija vystupajuć suprać jaho vorahaŭ, adznačaje časopis.
Nastupnaj u śpisie całkam moža stać Biełaruś, piša «Newsweek», dzie Kreml znajšoŭ svajho čałavieka - miascovaha apazicyjaniera Andreja Sańnikava. Pavodle acenki časopisa, jon nie zanadta blizki z Zachadam, i hatovy pryniać dapamohu Rasiei. Pa słovach samoha Sańnikava, Łukašenka «u apošni čas strašenna napałochany paśla taho, jak staŭ śviedkam taho, jak Rasieja padtrymlivaje źmienu ŭłady ŭ byłych savieckich krainach», adznačaje vydańnie.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary