U HZC «Tytan» zrabili rekanstrukcyju i rychtujucca da adkryćcia novaj handlovaj halerei FOTY
Kala dvuch hadoŭ tamu HZC «Tytan» pajšoŭ na rekanstrukcyju. Paviedamlałasia, što adzin ź pieršych staličnych abjektaŭ takoha kštałtu čakaje surjozny «aphrejd»: handlovaja halereja pavialičycca na 7 ź lišnim tysiač «kvadrataŭ», novuju płošču raźmiarkujuć pamiž rytejłam i hramadskim charčavańniem. I voś z praśpiekta Dziaržynskaha pryjšli naviny: rekanstrukcyja ŭžo praktyčna zavieršana, piša Onliner.
Što było zroblena (bo, kali hladzieć mimachodam i zboku, moža padacca, što ničoha nie źmianiłasia)? Try «słupy» — ofisnyja vyšynnyja budynki — zastalisia na miescy. Nikudy nie dzieŭsia i styłabat, jaki ich abjadnoŭvaje i ŭ jakim jak raz i raźmiaščajucca znajomyja ŭsim handlovyja prastory. Dy i asobny ofisny korpus na miescy. Ale źmieny adbylisia za košt abjadnańnia dźviuch častak: pamiž imi źnik «razryŭ».
Dźvie častki kompleksu abjadnali pa trecim uzroŭni razam z arkaj. Unutry novaj halerei ŭstalavali eskałatary. Tematyčna halereja budzie padzielena na roznyja častki: pieršy i druhi pavierchi zojmie fešn-halereja, a treci — fudkort, abiacajuć, što źjaviacca novyja hastra-prajekty z aŭtarskaj kuchniaj.
«Novaja handlovaja halereja sprajektavana z ulikam patrabavańniaŭ i čakańniaŭ roznych rytejleraŭ. Akramia taho, heta dazvoliła arhanizavać na trecim paviersie bujny fudkort, kab pryciahnuć jašče bolš moładzi z raźmieščanaj nasuprać Studenckaj vioski», — tłumačyć kampanija-zabudoŭščyk «Sihmapolus».
Unutry jašče praciahvajucca azdablenčyja raboty, arendatary taksama rychtujuć svaje pamiaškańni. Halereja, jak čakajecca, budzie adkryta ŭ pieršym kvartale 2026 hoda.
Kamientary
[Zredahavana]