Abjavili konkurs, kab znajści simvał čempijanatu pa kołcy droŭ
Minski abłasny vykanaŭčy kamitet abjaviŭ konkurs na stvareńnie simvała čempijanatu Biełarusi pa kołcy droŭ. Čynoŭniki ličać, što paśla sioletniaha mierapryjemstva jaho papularnaść tak uzrasła, što ŭźnikła patreba ŭ jaho ŭnikalnym i paznavalnym simvale.
Udzielničać u konkursie mohuć supracoŭniki centralnych i rehijanalnych ŚMI, pres-słužby ministerstvaŭ i viedamstvaŭ, błohiery, i ŭvohule ŭsie zacikaŭlenyja asoby.
Siarod metaŭ konkursu — nie tolki stvaryć jarki i lohka paznavalny simvał čempijanatu i ŭzmacnić jaho viadomaść u infarmacyjnaj prastory, ale i sfarmiravać stanoŭčyja emocyi i asacyjacyi va ŭdzielnikaŭ i haściej.
Padkreślivajecca, što patrebien
«simvał, jaki adlustroŭvaje adušaŭlony abo nieadušaŭlony vobraz, u tym liku čałavieka abo žyvioły z peŭnymi charaktarystykami, adpaviednymi mierapryjemstvu».
U budučyni hety vobraz płanujuć vykarystoŭvać u vyhladzie rastavoj lalki, suvienirnaj pradukcyi, na padarunkach, prezientacyjnych materyjałach, a taksama ŭ fota– i videakantencie.
Prymać zajaŭki buduć da 31 śniežnia, pieramožcu vyznačać u studzieni. Tamu, chto pieramoža, daduć kaštoŭny pryz.
Ciapier čytajuć
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka3
Kamientary