Miedźviedziania, jakoje biehała pa vulicach Viciebska, złavili
Miedźviedziania, zaŭvažanaje ranicaj 13 listapada ŭ Viciebsku, złavili i vyvieźli ŭ Suražski lashas, paviedamili sb.by u Viciebskaj haradskoj i rajonnaj inśpiekcyi pryrodnych resursaŭ i achovy navakolnaha asiarodździa.
Apieracyja pa adłovie i dalejšym vyratavańni žyvioliny pravodziłasia z samaj ranicy. Miška navat paśpieŭ stać hierojem sacsietak, trapiŭšy na kamiery źniešniaha videanazirańnia.
U vyniku šmathadzinnaj pracy miedźviedziania vyratavali, ahledzieli i viarnuli ŭ naturalnaje asiarodździe.
Dźmitryj Malčeŭski, načalnik Viciebskaj haradskoj i rajonnaj inśpiekcyi pryrodnych resursaŭ i achovy navakolnaha asiarodździa, raskazaŭ:
«Siońnia ŭ 7:30 ranicy da nas pastupiła infarmacyja, što ŭ vakolicach vulicy Praŭdy pabačyli miedźviedziania. Jaho adłovam u rajonie Letniaha amfiteatra na praciahu 7 hadzin zajmalisia profilnyja słužby našaha horada.
Pa zaklučeńni vieterynarnaha doktara, 10‑miesiačnaje dziciania całkam zdarovaje. Ciapier žyviolina adpraŭlenaja pad nazirańnie ŭ Suražski lashas».
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary