Kolki kaštuje ŭdar u nos? U Homieli sudziać futbalistaŭ za masavuju bojku na stadyjonie
Na łavie padsudnych apynuŭsia trenier spartyŭnaj škoły, jaki padčas matču haradskoha čempijanatu nanios traŭmy inšamu hulcu.
Matč haradskoha čempijanatu pamiž homielskimi kamandami, jaki adbyŭsia ŭ lipieni, skončyŭsia bojkaj, piša «Homielskaja praŭda».
U kancy pieršaha tajma adbyłosia sutyknieńnie hulcoŭ, potym — abrazy. Vynik — masavaja sutyčka.
«Ja zaraz vas usich łamać pačnu», — mienavita z hetaj frazy, skazanaj abvinavačanym hulcom kamandy, pa słovach paciarpiełaha, i pačałasia zavarucha. «Tolki pasprabuj», — byŭ adkaz. «Zaraz ja i ciabie złamaju», — pastaviŭ kropku začynščyk.
A dalej — siniaki ŭ niekalkich paciarpiełych, strasieńnie mozhu ŭ abvinavačanaha, a taksama pierałom nosa, 18 dzion špitalizacyi i vymušanaje vykarystańnie śpiecyjalnaj maski padčas hulniaŭ u paciarpiełaha.
Cikava, što paciarpiełym akazaŭsia hulec, jaki navat nie ŭdzielničaŭ u svarcy, a prybieh u hušču padziej, kab dapamahčy svajmu tavaryšu vybracca z zachopu praciŭnika.
Abvinavačany — trenier spartyŭnaj škoły, a na momant taho, što zdaryłasia, — hulec adnoj z kamand.
Achviara patrabuje spahnać z kryŭdziciela 46 tysiač biełaruskich rubloŭ. Jany pakryjuć lačeńnie ŭ klinicy i stanuć maralnaj kampiensacyjaj. Adkazčyk ličyć sumu nieadekvatnaj.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary