U Kupałaŭskim teatry premjera — drama «Nie moj». Raskazvaje režysior Alaksandr Harcujeŭ.
29 krasavika ŭ Kupałaŭskim teatry prajšła premjera — drama «Nie moj». Jana pastaŭlenaja pavodle apovieści Alesia Adamoviča «Niamko». Raskazvaje režysior śpiektakla Alaksandr Harcujeŭ.
«Naša Niva»: Ci ž kupałaŭski «Nie moj» uličvaje dośvied sumiesnaj biełaruska-niamiecka-rasijskaj kinastužki «Franc+Palina», źniataj pavodle taho samaha tvora, i ci jość u pastanoŭcy elemienty kiniematohrafa?
Alaksandr Harcujeŭ: Film pabačyć mnie nie daviałosia... «Nie moj» — maštabnaja pastanoŭka: bolš za tryccać udzielnikaŭ, šykoŭnyja dekaracyi Barysa Hierłavana. Buduć śpiecefiekty. Mahu adkryć tajamnicu, što dekaracyi buduć hareć, tam my ŭžyvajem našaje kupałaŭskaje nou-chau, efiektnaje, ale biaśpiečnaje.
«NN»: Nakolki vaša pastanoŭka blizkaja da aryhinała, apovieści Alesia Adamoviča «Niamko»?
AH: My dadali novyja linii. Maci i baćki Franca, jakija źjaŭlajucca jamu ŭ snach. Ale liču, što Adamoviča ja nie skaziŭ. Jon pisaŭ pra hetaje kachańnie, što rujnuje miežy i barjery. Na premjeru ja zaprasiŭ dačku Adamoviča, Natallu, i mnie nie budzie soramna za pastanoŭku. Pahatoŭ jana vystupiła ŭ roli kansultanta, bo daskanała viedaje baćkavu tvorčaść.
«NN»: Čamu nazva pastanoŭki pa-rasijsku, a nie pa-biełarusku?
AH: Chutčej nie «Niemoj», a «Nie moj».
Pavodle siužeta, kali paśla vajny kedebisty pryjšli aryštoŭvać baćku Paliny, dyk Franc, były niamiecki sałdat, jaki zakachaŭsia ŭ biełaruskuju dziaŭčynu i dezierciravaŭ, adčuvaje svaju biezdapamožnaść pierad imi i kaža: «Ja — niamy». Potym uspaminaje rasijski adpaviednik «niemoj» (a rasijskaj movie jaho navučyŭ baćka jašče ŭ Drezdenie, da vajny). Franc pačynaje hulacca hetym słovam. «Ja — nie moj, ja nie tvoj, ja — ničyj». Tut jak by sama mova namiakaje na situacyju biezdapamožnaści asobnaha čałavieka.Nahadaju, što ŭ vajnu Franc, jaki zabiŭ svajho kamandzira, i Palina, u vačach mnohich — sužycielka varožaha sałdata, byli miž dvuch ahnioŭ: chavalisia i ad partyzanaŭ, i ad niemcaŭ. A ŭvohule, jak i ŭ Adamoviča, u nas Franc śpiarša razumiejecca z Palinaj na kastrubavataj rasijskaj, ale potym, pad upłyvam Paliny, pierachodzić na biełaruskuju.
Nastupnyja pakazy śpiektakla adbuducca 2, 21 i 22 maja.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ21
Kamientary