U Dziaržynskim rajonie zastajucca łakalnyja prablemy z padklučeńniem elektraenierhii
Paśla błekautu, jaki adbyŭsia pozna ŭviečary 23 kastryčnika ŭ Dziaržynsku, rajonie i niekatorych nasielenych punktach Staŭbcoŭskaha rajona, zastajucca prablemy z padklučeńniem u vioskach Šaciły i Piatkovičy, paviedamlaje «Minskaja praŭda».
Ranicaj u piatnicu, 24 kastryčnika, adnaŭlenčyja raboty praciahvajucca kropkava.
Tak, jašče jość prablemy z padklučeńniem spažyŭcoŭ u vioskach Šaciły i Piatkovičy (tudy ŭžo nakiravałasia bryhada śpiecyjalistaŭ).
Łakalna prablemy mohuć naziracca ŭ spažyŭcoŭ na vuł. Astroŭskaha ŭ Dziaržynsku, u žyłym siektary pobač z pramysłovaj zonaj i pa niekatorych inšych adrasach.
Pra prablemy z padklučeńniami žycharoŭ prosiać paviedamlać u Dziaržynski RES.
Ź viečara 23 kastryčnika žychary Dziaržynska, Dziaržynskaha rajona, a taksama ahraharadkoŭ Rubiaževičy i Dziareŭnaja Staŭbcoŭskaha rajona zastalisia biez elektrazabieśpiačeńnia.
Jak paźniej patłumačyła «Minskenierha», pryčynaj pierabojaŭ stała avaryjnaje adklučeńnie na padstancyi 110 kV «Dziaržynsk», što pryviało da adklučeńnia siami transfarmatarnych padstancyj 35 kV.
Enierhietyki apieratyŭna prystupili da likvidacyi avaryi i adnaŭleńnia elektrazabieśpiačeńnia ŭ nasielenych punktach.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary