U lipieni pačniecca pieranos harełačnaha zavoda «Kryštal» z centra Minska
u pramzonu Kaladzičy.
U lipieni 2010 hoda pačniecca pieranos minskaha likiora‑harełačnaha zavoda «Kryštal» z centra horada, paviedamiŭ na pres‑kanfierencyi 29 krasavika staršynia kancerna «Biełdziaržcharčpram» Ivan Dančanka.
Pavodle jaho słoŭ, zaraz idzie padbor padradčyka. Najpierš u rajon pramzony Kaladzičy buduć vyniesieny dapamožnyja słužby, transpartny cech, składskija pamiaškańni, łahistyka. Pieršy etap pieranosu zavieršycca da viasny 2011 hoda.
«Chaciełasia b, kab duch «Kryštala», miesca «Kryštala» zachavałasia, mahčyma, zastaŭsia histaryčny budynak zavodakiraŭnictva, stvorany muziej», — skazaŭ Dančanka. Pry hetym jon paviedamiŭ:
«Horad nam hety pieranos nie kampiensuje».
Staršynia kancerna taksama adznačyŭ, što ŭ 2009 hodzie «Kryštal» pačaŭ licenzijnuju vytvorčaść viski. Jon paviedamiŭ, što ŭładalnik handlovaj marki sioleta dazvoliŭ raźliŭ viski 12‑hadovaj vytrymki dla prodažu na ŭnutranym rynku i ekspart viski trochhadovaj vytrymki. U 2009 hodzie vyrablena 4 tys. dał viski. Pravodziacca pieramovy ab pačatku raźlivu romu i tekiły. «Kubincy nie chočuć nam pradavać rom dla raźlivu, tamu viaducca pieramovy ŭ Vieniesuele. U Mieksicy iduć pieramovy ab kupli tekiły nalivam», — skazaŭ Dančanka, padkreśliŭšy, što ŭsie techničnyja ŭmovy dla ich raźlivu ŭžo stvorany.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary