KNR praciahvaje skaračać impart kalijnych uhnajeńniaŭ ź Biełarusi.
Na heta pakazvajuć śviežyja danyja mytnaj statystyki Kitaja, adznačaje Reform.news.
U vieraśni impart chłarydu kaliju ŭ KNR vyras na 24 % — da 265,06 młn dalaraŭ, ale nie za košt pastavak ź Biełarusi.
Impart biełaruskaha kaliju ŭ vieraśni skaraciŭsia na 64,9 % — da 30 młn dalaraŭ. Ale treba adznačyć, što ŭ paraŭnańni z žniŭniem hetaha hoda pastaŭki vyraśli na 67,8 %.
Pastaŭki z RF u vieraśni pavialičylisia na 59,6 % — da 174 młn dalaraŭ. Impart z Kanady vyras na 30,3 % — da 68,1 młn dołaraŭ. Taksama varta adznačyć vysokija abjomy zakupak u Łaosie, jakija ŭ minułym miesiacy skłali 97,6 młn dalaraŭ.
Padčas zakryćcia miažy z boku Polščy «Supolnaść čyhunačnikaŭ Biełarusi» pisała pra prablemy, jakija moh adčuvać «Biełaruśkalij». Jany byli źviazanyja ź niemahčymaściu viartańnia pustych kantejnieraŭ ź Jeŭropy, što ŭskładniała pradastaŭleńnie tary dla pastavak kalijnaha hihanta.
Pa vynikach dzieviaci miesiacaŭ kitajski impart chłarydu kaliju ŭ vartasnym vyražeńni źniziŭsia na 8,1 % — da 2,63 młrd dalaraŭ.
Impart biełaruskaha kaliju ŭ studzieni—vieraśni ŭ KNR pamienšyŭsia ŭ vartasnym vyražeńni na 34,1 % — da 441,7 młn dalaraŭ, rasijskaha — vyras na 4,4 % — da 1 młrd dalaraŭ, a kanadskaha — pamienšyŭsia na 18,8 % — da 455,7 młn dalaraŭ.
U hetym hodzie Kitaj taksama aktyŭna zakupaŭ kalijnyja ŭhnajeńni ŭ Izraili (117,2 młn dalaraŭ) i Łaosie (492,9 młn dołaraŭ).
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary