Prezident Abchazii Siarhiej Bahapš spadziajecca na chutkaje pryznańnie Respubliki Abchazija Ukrainaj i Biełaruśsiu.
Pavodle źviestak RIA Novosti, hutaračy z žurnalistami 29 krasavika ŭ Suchumi, Bahapš zajaviŭ: «Ja z aściarožnym aptymizmam staŭlusia da hetaha. Dla nas heta archivažna, kab Ukraina pajšła na pryznańnie. Kab Biełaruś, narešcie, advažyłasia i zakryła hetuju temu».
Varta zaznačyć, što siońnia prezident Ukrainy Viktar Janukovič znachodzicca z rabočym vizitam u Minsku.
27 krasavika ŭ Strasburhu Janukovič zajaviŭ, što jon suprać prymianieńnia dvajnych standartaŭ u pytańni pryznańnia niezaležnaści Abchazii i Paŭdniovaj Asiecii, a taksama prapanavaŭ vyznačyć kryteryi davańnia niezaležnaści i vypracavać padychod da vyrašeńnia prablem zamarožanych kanfliktaŭ.
U svaju čarhu prezident Biełarusi Alaksandr Łukašenka nieadnarazova zajaŭlaŭ, što rašeńnie ab pryznańni Abchazii i Paŭdniovaj Asiecii pavinien pryniać parłamient.
Jašče ŭ kancy 2008 hoda Abchazija i Paŭdniovaja Asiecija nakiravali ŭ biełaruski parłamient prośbu ab pryznańni ich niezaležnaści. U listapadzie 2009‑ha hrupa biełaruskich parłamientaryjaŭ naviedała Hruziju, Abchaziju i Paŭdniovuju Asieciju, kab aznajomicca ź situacyjaj na miescy. Pavodle vynikaŭ pajezdki deputaty padrychtavali dakład dla kiraŭnictva krainy, jaki tak i nie byŭ abnarodavany.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary