29-ha krasavika S.Kalinkina, M.Koktyš, I.Chalip i N.Radzina praviali pres-kanfierencyju, pryśviečanuju novamu ŭzmacnieńniu cisku na žurnalistak.
29-ha krasavika Śviatłana Kalinkina, Maryna Koktyš, Iryna Chalip i Natalla Radzina praviali pres-kanfierencyju, pryśviečanuju novamu ŭzmacnieńniu cisku na žurnalistak.
Jak adznačyła S.Kalinkina, śledčym nie ŭdałosia znajści u kanfiskavanych kampjutarach infarmacyi, što b śviedčyła ab jaje datyčnaści da publikacyj na sajcie «Chartyja-97» i tak zvanaha paklopu na I.Karža. Adnak techniku i nośbity infarmacyi nie viarnuli, patłumačyŭšy, što jana patrebnaja dla dalejšaha śledstva.
«Ja liču, što znojdziena padstava, marhinalnaja padstava, nacisnuć na mianie i na maich kaleh, što taksama pracujuć nad hetymi hučnymi temami.Nas chočuć dyskredytavać, znajści niejkuju infarmacyju ab nas napiaredadni vybarčaj kampanii. Tolki naša ahulnaja salidarnaść dapamoža ŭ hety momant», -- adznačyła Śviatłana Kalinkina.
Iryna Chalip dapoŭniła vykazvańni Kalinkinaj, zajaviŭšy, što raspačałasia vajna na źniščeńnie niezaležnych žurnalistaŭ. «Idzie vajna suprać žurnalistaŭ, suprać niezaležnych sajtaŭ.
Nas zabivajuć. Pakul starajucca zrabić heta prafiesijanalna, demaralizavać nas. Ale chutka, mahčyma, nas pačnuć zabivać fizična. Voś takija ŭ nas cikavyja časy nadychodziać», -- raspaviała I.Chalip.Žurnalistka vykazała niezadavolenaść aficyjnaj reakcyjaj ES na sakavickija padziei i kanfiskacyju techniki ŭ žurnalistak: «Reakcyja była takoj, što lepš by jaje nie było ŭvohule».
Natalla Radzina taksama paviedamiła ab novaj kryminalnaj spravie, usčataj respublikanskaj prakuraturaj. Pryčynaj stała publikacyja na sajcie «Chartyja-97» kamientaroŭ da pieradruku z haziety «Biełaruś Siehodnia» artykuła Illi Ryžankova.
«Heta pieršy taki vypadak u historyi našaj krainy» – adznačyła N.Radzina.Raniej prakuratura cikaviłasia vyklučna samimi artykułami, nie zakranajučy kamientaroŭ.
Juryst Biełaruskaj asacyjacyi žurnalistaŭ Andrej Bastuniec nazvaŭ skłaŭšujusia situacyju niedapuščalnaj i zaklikaŭ da salidarnaści ŭsich niezaležnych žurnalistaŭ. A.Bastuniec taksama prapanavaŭ dva šlachi vyrašeńnia prablemy – pisać skarhi va ŭsie isnujučyja instancyi (adznačyŭšy pry hetym, što taki krok naŭrad ci budzie mieć vynik) i publikavać jak maha bolš poŭnuju infarmacyju, kab pryciahnuć uvahu hramadskaści.
Kamientary