Vyjšaŭ repartaž pra čatyroch biełarusaŭ, jakija vajujuć za Ukrainu ŭ minamiotnym raźliku na Charkaŭščynie
Na poŭnač ad Charkava ŭ minamiotnym raźliku vajujuć čaćviora biełarusaŭ z pazyŭnymi «Karałuh», «Svaroh», «Miesiac» i «Reč». Mužčyny ŭžo niekalki miesiacaŭ zmahajucca ŭ składzie 13‑j bryhady Nacyjanalnaj hvardyi «Chartyja». Pra ich na jutub-kanale bryhady źjaviŭsia repartaž.
Mužčyny roznych uzrostaŭ (adnamu ź ich tolki 20 hadoŭ, jašče adnamu — 46) raskazvajuć, što vyjechali ź Biełarusi ŭ 2020 ci 2021 hadach pa pryčynie palityčnaha pieraśledu: niekatoryja ź ich ci ŭžo zatrymlivalisia, inšyja mieli takija pahrozy. Ciapier ich meta — pieramahčy zbrojaj rasijski, a ź im i biełaruski režym.
Rasijanie bieśpierapynna abstrelvajuć ich pazicyi artyleryjaj, skidajuć FPV i dystancyjna minirujuć samarobnymi vybuchovymi prystasavańniami. Ale, niahledziačy ni na što, minamiotčyki ź Biełarusi ŭparta iduć da svajoj mety.
Adzin ź biełarusaŭ va Ukrainie znajšoŭ navat žonku — joj stała vałanciorka-kitajanka.
Adzin z hierojaŭ repartažu zajaŭlaje, što bolš nikoli nie vierniecca ŭ Biełaruś ni pry jakich abstavinach, bo jana zrabiła jamu vielmi šmat kiepskaha. Inšy śćviardžaje, što heta jahonaja asnoŭnaja meta, i kali jana nie ździejśnicca, to jon nie viedaje, što budzie ŭvohule rabić.
Kamandzira Pałka Kalinoŭskaha i niekatorych biełaruskich dobraachvotnikaŭ buduć sudzić zavočna
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
Były dobraachvotnik Alaksandr Kłačko źbiraje dapamohu dla siemjaŭ byłych vajaroŭ
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
Voś Miesiac zahinuŭ. Dobra, što ŭ jaho jość praciah na ziamli. Dzicia naradziłasia.
I honar i bol.
Nu viadoma, kali nacyjanalnyja kaštoŭnaści dla ciabie zrusifikavanaha ničoha nia značać, to i nia bačyš roźnicy pamiž režymam i Biełaruśsiu, i radzimy jak takoj u ciabie niama.
Apošnim časam u mianie chobbi – namahajusia znajści na takich videa sapraŭdnaha biełaruskamoŭnaha biełarusa. Vialikaja ŭdača, kali chacia b adzin trapicca. Sumna.