Rasijski vajskovy karabiel zaŭvažyli kala bierahoŭ Danii na fonie pralotu dronaŭ
U Danii ŭžo niekalki dzion fiksujucca praloty padazronych dronaŭ, z-za jakich u Kapienhahienie i inšych haradach daviałosia časova zakryvać aeraporty. Urad nazvaŭ heta «najsurjoźniejšaj atakaj na krytyčnuju infrastrukturu».
Tym časam dackaja hazieta Ekstra Bladet zaŭvažyła ŭ Bałtyjskim mory pobač z astravami Łołan i Łanhiełan bujny rasijski desantny karabiel «Alaksandr Šabalin». Jon znachodziŭsia ŭsiaho za 12 kiłamietraŭ ad bieraha i niekalki dzion stajaŭ z vyklučanym sihnał-łakataram. Adlehłaść da aeraportaŭ i vajskovych abjektaŭ, na jakija ździajśnialisia ataki dronami, — ad 70 da 270 kiłamietraŭ.
Ekśpierty nie vyklučajuć, što Rasija mahła vykarystoŭvać karabiel jak płavučuju bazu dla vyprabavańnia novaj formy hibrydnaj vajny, piša Bild.
«Usio pakazvaje na toje, što meta hetych dziejańniaŭ — nie napad, a, mahčyma, adpracoŭka technałohij», — skazaŭ staršy śledčy palicyi Kapienhahiena Jens Jeśpiersien.
Premjer-ministr Miete Frederyksien užo zajaviła, što Danija stała achviaraj hibrydnych atak i papiaredziła, što padobnych incydentaŭ moža stać bolš.
U Maskvie ž tradycyjna ŭsio admaŭlajuć: pres-sakratar Kramla Dźmitryj Piaskoŭ nazvaŭ abvinavačańni «biecpadstaŭnymi», a rasijski pasoł u Danii abvinavaciŭ Zachad u «pravakavańni vajennaj kanfrantacyi».
-
Deputata Jeŭraparłamienta, jaki rasśledavaŭ złoŭžyvańni Pegasus, samoha ŭzłamali hetaj špijonskaj prahramaj
-
Rasijanku, jakaja zrabiła ŭ bary «kaljan na kuličy», usio ž nie buduć adpraŭlać u kałoniju
-
Vatykan adłučyŭ ad carkvy Bractva śviatoha Pija X. Raskolniki majuć kaplicu ŭ Minsku, dzie ŭsio pa-rusku — što ciapier čakaje hetych viernikaŭ
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej10
Kamientary