U Šviejcaryi zajavili, što hatovyja vydać prezidentu Rasii Uładzimiru Pucinu imunitet ad ordera na aryšt, vydadzienaha Mižnarodnym kryminalnym sudom, kali jon pryjedzie ŭ Ženievu na pieramovy pa Ukrainie. Pra heta paviedamiŭ kiraŭnik MZS hetaj krainy Ińjacya Kasis.
Šviejcarski ministr rastłumačyŭ, što takaja mahčymaść isnuje dziakujučy śpiecyjalnaj pracedury, uviedzienaj u 2024 hodzie: urad Šviejcaryi moža nie vykonvać mižnarodny ordar, kali čałaviek pryjazdžaje ŭ jaje nie z pryvatnym vizitam, a dziela mirnych pieramoŭ.
Ińjacya Kasis padkreśliŭ, što ŭžo nieadnarazova prapanoŭvaŭ rasijskamu MZS pryniać u Šviejcaryi mirny samit pa Ukrainie.
U sakaviku 2023 hoda Mižnarodny kryminalny sud vydaŭ ordary na aryšt Uładzimira Pucina i dziciačaj ambudsmienki Rasii Maryi Lvovaj-Białovaj.
Pry hetym Šviejcaryja źjaŭlajecca paŭnapraŭnym členam MKS. U červieni 2024-ha ŭłady krainy zajaŭlali, što vykanajuć ordar na aryšt premjer-ministra Izraila Bińjamina Nietańjachu, kali jon naviedaje krainu.
19 žniŭnia 2025 hoda prezident Francyi Emanuel Makron paviedamiŭ, što sustreča Pucina i Uładzimira Zialenskaha moža adbycca ŭ Šviejcaryi, choć pavodle inšych krynic jaje płanujuć u Vienhryi. Jość taksama mierkavańnie, što Donald Tramp i Uładzimir Zialenski addajuć pieravahu Rymu.
Źjaviłasia taksama viersija, što Pucin choča, kab pieramaŭlacca pryjechali da jaho ŭ Maskvu. Pra heta jon nibyta zajaviŭ učora padčas telefonnaj razmovy z Trampam, paviedamlaje AFP sa spasyłkaj na krynicy, znajomyja ź situacyjaj. Uładzimir Zialenski, adnak, ad hetaha admoviŭsia.
Aficyjna ž Kreml pakul uvohule nie paćviardžaje hatoŭnaść Pucina sustrecca z ukrainskim prezidentam.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
auknietsia potom vsiem "hołubiam mira" i podiełom.