«Ja paabiacaŭ kamitetčykam». Juraś Ziankovič płanuje adsudzić hrošy ŭ siłavikoŭ
Były palitviazień Juraś Ziankovič u efiry «Biełsatu» zajaviŭ, što budzie namahacca pryciahnuć da adkaznaści siłavikoŭ, jakija jaho katavali za kratami. Palityk i praŭnik płanuje padać isk u amierykanski sud.
Były palitviazień Juraś Ziankovič u efiry «Biełsata» zajaviŭ, što budzie namahacca pryciahnuć da adkaznaści siłavikoŭ, jakija jaho katavali za kratami. Palityk i juryst płanuje padać isk u amierykanski sud.
Jon rastłumačyŭ, što amierykanskija zakony dazvalajuć asobie, jakaja zaznała katavańni, padać zajavu ŭ sud u ZŠA. Takim čynam možna pasprabavać pryciahnuć da adkaznaści jak dziaržavu, kali idziecca pra złačynstva suprać čałaviečnaści, hetak i kankretnych ludziej. Pavodle byłoha palitviaźnia, sprava, jakuju jon inicyjuje, adroźnivajecca ad tych razboraŭ, što ładziać u krainach ES:
«Toje, što adbyvajecca ŭ Jeŭropie, — heta kryminalna-pravavoje pakarańnie. Ale jość jašče cyvilna-pravavaja adkaznaść, kali kankretnyja ludzi pavinny nie ŭ turmie siadzieć, a zapłacić za toje, što jany zrabili. Kankretna ŭ hetaj spravie ja budu patrabavać, kab zapłacili mnie. I kali ja prajdu hety šlach, luby inšy były palitviazień zmoža paŭtaryć hety šlach. Navat kali jon nie hramadzianin ZŠA, amierykanskaje zakanadaŭstva heta dazvalaje».
Ziankovič — amierykanski juryst i biełaruski aktyvist. Jon byŭ aryštavany ŭ Maskvie ŭ 2021 hodzie pavodle abvinavačvańnia ŭ zamachu na Łukašenku i dastaŭleny ŭ Miensk. Jaho pakarali ŭ miežach «spravy zmoŭcaŭ» pavodle šerahu kryminalnych artykułaŭ 11 hadami kałonii va ŭmovach uzmocnienaha režymu.
U hetaj spravie prachodzili taksama litaraturaznaŭca i palitołah Alaksandr Fiaduta, staršynia Partyi BNF Ryhor Kastusioŭ — kožnamu ź ich prysudzili 10 hadoŭ. U sudzie Fiadutu, Kastusiova i Ziankoviča nazvali vinavatymi ŭ zmovie z metaju zachapić dziaržaŭnuju ŭładu niekanstytucyjnym šlacham. Pravaabaroncy pryznali ich palityčnymi źniavolenymi.
Ziankoviča vyzvalili 30 krasavika ŭ vyniku pieramovaŭ amierykancaŭ z Łukašenkam.
Ciapier čytajuć
«Na karabli kožny dzień — paniadziełak». Biełaruska raskazała pra svaju pracu na kruiznym łajniery5
Kamientary
Pra śmierć Koržyča - sam vinavaty, maŭlaŭ vajskoviec pavinien być mocnym. A ničoha, što sučasnaja biełaruskaja armija z prymusovaj terminovaj słužbaj i ŭsiemi saŭkovymi paradkami- heta ani pra patryjatyzm, ani pra prafiesijanalizm?
Pra "Pajedziem pajadzim" - čarhovaja sproba "abaranić prava pryvatnaj ułasnaści" i adbialić "dabrasumlennaha pradprymalnika" Zajdesa, jaki nie pahrebavaŭ raźmiaščać svaju zabaŭlalnuju ŭstanovu naŭprost kala ŭvachodu na palihon masavych rastrełaŭ Kurapaty.
Pra apazicyju. "Jana ni na što nie ŭpłyvaje". Spadar Juraś, kali vy vymiarajecie pa sabie - nu dyk i adkazvajcie tolki za sabie.
Sproba adsudzić hrošy z supracoŭnikaŭ KDB za katavańni ŭ sudzie ZŠA pa amierykanskich zakonach u miežach hramadska-pravavoj spravy biez uzbudžeńnia i vyraku pa kryminalnaj spravy ab złačynstvach suprać čałaviectva (bo heta ŭžo kampietencyja prakurora) - heta sapraŭdy śmiešna. Spačatku ŭ miežach kryminalnaj spravy pa univiersalnaj jurysdykcyi dakazvajecca fakt złačynstva suprać čałaviectva, vyśviatlajucca vinavatyja, i tolki potym raźličvajuccca kampiensacyi dla achviaraŭ złačynstva. Inakš Ziankoviča pašluć kudy daleka, bo jon nie dakazaŭ padsudnaść jahonaj hramadska-pravavoj spravy pa padziejach za miežami ZŠA amierykanskamu sudu.