U Słonimskim rajonie žorstka zabity dźvie piensijanierki
Adzin z padazravanych zabojcaŭ zatrymany.
U Słonimskim rajonie (Hrodzienskaja vobłaść) učyniena dvajnoje zabojstva.
Žudasnaje zabojstva dniami adbyłosia na chutary pamiž vioskami Surynka i Zabulle Słonimskaha rajona, piša «Hazieta Słonimskaja». Nieviadomyja nočču pryjšli na chutar, dzie ŭ domie žyli dźvie žančyny-piensijanierki Nina i Jaŭhienija Navumčyk.
Pa słovach svajakoŭ žančyn i viaskoŭcaŭ, bandyty praz akno zaleźli ŭ dom da chutaranak i, mahčyma, zapatrabavali ŭ ich hrošy. Ale, musić, ničoha kaštoŭnaha jany nie atrymali, bo ŭ pakojach pieraviarnuli ŭsio dahary nahami. Što im udałosia znajści i zabrać, pakul nieviadoma. Paśla ŭsiaho zabojcy zarezali žančyn i źnikli.
Pa słovach žycharoŭ susiednich viosak, siostry Navumčyk trymali dobruju haspadarku: karovu, aviečak, kurej. Rabaŭniki da ich na chutar prychodzili nieadnojčy, miarkujučy, što ŭ ich jość hrošy. Ale žančynam niejak udavałasia ad niečakanych haściej adbicca. Adnojčy piensijanierki na dapamohu vyklikali milicyju.
Na hety raz bandyty dziejničali nachabna i žorstka.
Miortvych žančyn ranicaj znajšoŭ miascovy małakazborščyk, jaki pryjechaŭ pa małako, ale na panadvorku nikoha nie było. Jon zajšoŭ u chatu, dzie i ŭbačyŭ zabitych žančyn. Chutka vyklikaŭ milicyju, jakaja ciapier šukaje zabojcaŭ.
Jak paviedamlaje BiełaPAN, va ŭčynieńni zabojstva z karyślivych metaŭ padazrajucca raniej sudzimy 41‑hadovy žychar Słonima i 20‑hadovy žychar vioski Babyničy.
Małodšy ź ich zatrymany.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary