Ministr sportu i turyzmu Aleh Kačan daručyŭ prapracavać pytańnie ab mahčymaści adkryćcia aficyjnaha pradstaŭnictva Adidas u Biełarusi,
paviedamiła 14 krasavika pres‑słužba Minsportu pavodle vynikaŭ sustrečy z hienieralnym dyrektaram kampanii pa Rasii i krainach SND Marcinam Šenkłandam. Ź biełaruskaha boku ŭ mierapryjemstvie taksama ŭziali ŭdzieł pieršy namieśnik ministra Uładzimir Alaškievič i kiraŭniki strukturnych padraździaleńniaŭ Minsporta.
Kampanija Adidas źviarnułasia ŭ spartyŭnaje viedamstva z pytańniem ab mahčymaści adkryćcia ŭ Biełarusi aficyjnaha pradstaŭnictva, adznačajecca ŭ paviedamleńni. Na dumku kiraŭnictva kampanii, hety krok «dazvoliŭ by zrabić tańniejšymi dla biełaruskaha spažyŭca spartyŭnyja tavary i daŭ by harantyju vysokaj jakaści pradukcyi».
Šenkłand paviedamiŭ,
što ŭ vypadku adkryćcia aficyjnaha pradstaŭnictva budzie stvorana šyrokaja sietka mahazinaŭ pa prodažy tavaraŭ firmy Adidas. Heta «paciahnie za saboj stvareńnie vialikaj jakaść vakansij, jakija buduć zapaŭniacca žycharami Biełarusi».
Kačan «daručyŭ prysutnym kiraŭnikam strukturnych padraździaleńniaŭ Minsportu prapracavać pytańnie mahčymaści adkryćcia aficyjnaha pradstaŭnictva ŭ ciesnym kantakcie z pradstaŭnikami kampanii». «Pierš za ŭsio pavinny być zachavany intaresy dziaržavy», — zajaviŭ ministr.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary