U stalicy pavialičać kolkaść vieładarožak na prajeznaj častcy. Adbudziecca heta ŭžo ŭ 2025 hodzie, piša Tochka.by.
Pakul u stalicy dva takija abjekty: usim viadomaja darožka kala Kamaroŭskaha rynku i mienš papularnaja — na vulicy Novavilenskaj u napramku da Arłoŭskaj.
U 2025-m taksama praduhledžana realizacyja takoj vieładarožki pa vulicy Staražoŭskaj.
«Šukajucca i inšyja ŭčastki», — raskazaŭ namieśnik načalnika UDAI HUUS Minharvykankama Dzianis Livanovič.
Asnoŭnyja faktary, na jakija abapirajucca śpiecyjalisty pry płanavańni, — ad banalnaj šyryni prajeznaj častki da intensiŭnaści ruchu viełasipiedystaŭ i aŭtamabilaŭ.
Takuju pracu pravodziać i dla vydzialeńnia vieładarožki na chodnikach: pierad naniasieńniem charakternaj raźmietki vyvučajuć šyryniu placoŭki i metazhodnaść rašeńnia.
«Ciapier raspracoŭvajucca schiemy … pa praśpiekcie Partyzanskim, pa Daŭhinaŭskim trakcie i jašče prykładna pa siami ŭčastkach», — anansavała dyrektar minskaha haradskoha vučebna-mietadyčnaha centra fizičnaha vychavańnia nasielnictva Iryna Alchoŭskaja.
Pakul praciahłaść rovarnych šlachoŭ u Minsku — bolš za 330 km, a aktyŭnych karystalnikaŭ dvuchkołavym transpartam — kala 800 tys. čałaviek.
Kab zrabić horad kamfortnym dla ŭsich ich, u stalicy zaćvierdzili kancepcyju raźvićcia viełasipiednaha ruchu da 2030 hoda.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos22
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5050
Kamientary