«Matroškami ŭžo nie ździviš». U Rasii zaklikali stvaryć svoj anałah Łabubu
Staršynia Savieta Fiederacyi Rasii Valancina Matvijenka zaklikała raźvivać kreatyŭnuju industryju i stvaryć rasijski anałah kitajskaj papularnaj cacki Łabubu. Jana adznačyła, što adna tolki hetaja cacka pryniesła svajmu stvaralniku miljardnyja prybytki.
Matvijenka vykazała škadavańnie, što rasijskija pradukty narodnaj tvorčaści, naprykład, matroški, užo nie vyklikajuć cikavaści ŭ śviecie: «Ich nichto na sumkach nie nosić», — skazała jana.
Čynoŭnica zadałasia pytańniem, čamu Rasija nie moža prapanavać niešta modnaje i kreatyŭnaje, što stanie suśvietnym trendam. Jana padkreśliła, što kraina bahataja na talenavitych ludziej, ale im nie chapaje padtrymki.
«Ciapier adzin biznesmien z Kitaja raspracavaŭ lalku, pa-mojmu, Łabubu jana nazyvajecca. Pačvara, hladzieć niemahčyma, ale ŭvieś śviet zachvareŭ na hetu lalku. Usie nosiać hetuju lalku na torbach, heta modna, heta stylna, zdabyvajuć tam nie viedaju jakimi sposabami. Čałaviek zarabiŭ dziasiatki miljardaŭ na hetaj pradukcyi pa ŭsim śviecie», — panarakała Matvijenka.
Łabubu — heta maleńkija cacki-monstryki z kalarovaj poŭściu, jakija stali modnymi siarod dziaciej i darosłych pa ŭsim śviecie. Ich vobraz stvaryŭ hankonhski dyzajnier i piśmieńnik Łun Cziašen, jaki natchniaŭsia skandynaŭskaj mifałohijaj. Z 2019 hoda cacki vypuskaje kampanija Pop Mart, i ciapier ich isnuje bolš za 300 varyjantaŭ. Asablivuju cikavaść vyklikaje toje, što kupiec nie viedaje, jakuju mienavita fihurku jon nabyvaje — heta stvaraje azart i stymuluje źbirać kalekcyi.
Pa stanie na lipień 2025 hoda kapitalizacyja Pop Mart skłała $41,5 miljardaŭ i pierasiahnuła navat rasijski «Hazpram», jaki aceńvajecca ŭ $38,9 miljarda.
U niadzielu ŭ Minsku projdzie fiestyval łabubu
Vytvorca lalek Łabubu abyšoŭ pa svajoj kapitalizacyi «Hazpram»
Dyzajnierki prapanavali biełaruskuju alternatyvu papularnaj lalcy Łabubu
Rečyckija prapahandysty apałčylisia na lalek Łabubu
Miłyja ci pačvarnyja? Čamu lalki Labubu stali suśvietnaj siensacyjaj
Za miesiac popyt na lalek Łabubu vyras na «Kufry» ŭ 6,5 raza
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu34
Kamientary