Dziaŭčyna adkryła ŭ staroj sielskaj škole pad Słuckam retra-muziej
Fatohrafka i mastačka Maryja Sidarenka adkryła pad Słuckam retra-muziej ź biełaruskaj nazvaj «Natchnieńnie». Jon raźmiaściŭsia ŭ staroj draŭlanaj škole vioski Navadvorcy. U płanach dziaŭčyny zrabić z hetaha miesca papularnuju art-prastoru z majstar-kłasami i tematyčnymi viečarynami.
Dziaŭčyna naradziłasia ŭ vioscy i ŭ haradach «nie pryžyłasia». Tamu kali ŭ rajvykankamie ŭchvalili arendu staroj sielskaj škoły, dzie Maryja sama paśpieła pavučycca, pa vušy zalezła ŭ jaje pieratvareńnie.
Pra šlach raźvićcia art-prastory Maryja padrabiazna raskazvaje ŭ sacsietkach. Bolšuju častku ramontu jana rabiła svaimi rukami, z maleńkaj pamočnicaj-dačkoj. Niemałaja dola retra-ekspanataŭ u muziei — z damoŭ svajakoŭ dziaŭčyny: naprykład, dyvanok, jaki raniej visieŭ u domie jaje taty.
Dźviery dla naviednikaŭ muziej adčyniŭ tolki ŭ mai, ale tam užo paśpieli pravieści i retra-viečarynu, i noč muziejaŭ, i kinapakazy, a taksama majstar-kłasy pa malavańni, niejrasietkach i viečarovuju johu pry śviečkach.
Charakterna, što ŭ muziei Maryi ŭsie ekspanaty dazvolena kranać rukami — heta sapraŭdny cud dla haściej dziciačaha ŭzrostu, jakija ŭpieršyniu bačać žyŭcom staryja telefony, płejery-kasietniki i babuliny televizary.
Uvachod u sam muziej na hety momant — za dobraachvotny danat. Mierapryjemstvy majuć asobny prajs.
Ciapier čytajuć
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?5
Kamientary