Kolki kaštuje viasielle miljardera Džefa Biezasa i chto z zorak zaprošany FOTY
Hučnaje viasielle miljardera, zasnavalnika Amazon Džefa Biezasa i jaho spadarožnicy Łaren Sančes nazyvajuć «viasiellem stahodździa». Śviatkavać jaho ŭ Vieniecyju, niahledziačy na pratesty miascovych, pryjechała kala 200 haściej. Chto z zorak zaprošany i kolki kaštavała mierapryjemstva?
Viasielle Biezasa i Sančas budzie iści try dni. Para abviančałasia na vostravie San-Džordža — tam znachodzicca manumientalny kompleks, sprajektavany architektaram XVI stahodździa Andrea Paładyjo.
Pavodle acenak, zatraty na viasielle składuć ad 7 da 10 miljonaŭ dalaraŭ, piša Euronews.
Siarod zaprošanych 200 haściej šmat zorak. Naprykład, Opra Uinfry, Kim Kardašjan, Arłanda Błum, karaleva Ranija ź Iardanii, Ivanka Tramp ź siamjoj, Bił Hiejts.
U aeraportach Treviza i Vieniecyi čakajecca 90 pryvatnych samalotaŭ, źviazanych ź viasiellem.
Biezas i Sančes, mierkavana, spynilisia ŭ luksavym piacizorkavym hateli Aman Venice. Dastupny dla broni numar ciapier tam kaštuje amal 2500 jeŭra za noč.
Niaviesta na praciahu troch dzion źmienić 27 sukienak. Nad vobrazam pracujuć Anna Vintur i dyzajniery Oscar de la Renta, Dolce & Gabbana. Dla siabrovak niaviesty buduć asobnyja pamočniki, kab prasavać i papraŭlać ich sukienki pierad kožnym vychadam.
Absłuhoŭvańniem zajmajucca zornyja šef-povary, košt mieniu na čałavieka składaje kala tysiačy jeŭra.
61-hadovy Džef Biezas zajmaje čaćviortaje miesca siarod samych bahatych ludziej śvietu. Jaho bahaćcie aceńvajecca ŭ 231 miljard dalaraŭ. Dla jaho i 55-hadovaj Sančes heta druhi šlub.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam1
Kamientary