U Łatvii prahnazujuć da 10 tysiač niezakonnych sprobaŭ pierasiačeńnia biełaruska-łatvijskaj miažy da kanca hoda
U sieradu ŭrad Łatvii pryniaŭ rašeńnie ab praciahnieńni ŭzmocnienaha režymu pracy sistemy pamiežnaj achovy na miažy ź Biełaruśsiu da 31 śniežnia.
Da kanca hoda łatvijskija pamiežniki mohuć nie dapuścić da 10 000 sprobaŭ niezakonnaha pierasiačeńnia łatvijska-biełaruskaj miažy, zajaviŭ paśla pasiadžeńnia ŭrada ministr unutranych spraŭ Rychards Kazłoŭskis, piša Delfi.lv.
Za apošnija piać dzion 163 čałaviek sprabavali niezakonna pierasiačy miažu pamiž Łatvijaj i Biełaruśsiu, i takim čynam z pačatku hoda było zatrymana 5534 čałavieki. U toj ža čas pa humanitarnych pryčynach u hetym hodzie pierasiačeńnie miažy nie było zabaroniena 12 asobam.
U minułym hodzie ŭ cełym ad niezakonnaha pierasiačeńnia łatvijska-biełaruskaj miažy byli zatrymanyja 5388 čałaviek, a pa humanitarnych pryčynach kraina pryniała 26 čałaviek.
Kazłoŭskis u sieradu adznačyŭ, što ŭžo ciapier jasna: da kanca hetaha hoda pakazčyk moža pieravysić 10 000 nielehalnych mihrantaŭ.
Ministerstva ŭnutranych spraŭ robić usio mahčymaje dla achovy miažy, akramia taho, pytańnie achovy miažy abmiarkoŭvałasia i na minułym tydni na kanfierencyi z udziełam ministraŭ unutranych spraŭ Estonii, Litvy, Narviehii, Polščy, Šviecyi i Finlandyi. Padčas sustrečy Kazłoŭskisa z polskim ministram było pryznana, što padtrymlivajecca Biełaruśsiu cisk z vykarystańniem nielehalnaj mihracyi praciahvajecca taksama i na polska-biełaruskaj miažy.
Režym uzmocnienaha kantrolu ŭstanoŭleny ŭ Łudzie i vołaściach Łudzienskaha kraju, u Krasłavie i vołaściach kraju, u Aŭšdaŭhaŭskim krai, u Dauhaŭpiłsie i ŭ vołaści Kaŭnatas Rezieknienskaha kraju.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary