Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu
Z 1 vieraśnia kali vy hramadzianin Biełarusi, Ukrainy abo Rasii, treba budzie za 48 hadzin zapaŭniać ankietu anłajn.
U krasaviku 2025 hoda Siejm Łatvii pryniaŭ papraŭki da Zakona ab imihracyi i da Zakona «Ab dziaržaŭnaj miažy».
Jany abaviazvajuć «hramadzian trecich krain», jakija nie majuć łatvijskaj vizy abo DNŽ, nie paźniej čym za 48 hadzin da ŭjezdu (u tym liku tranzitnaha) zapoŭnić śpiecyjalnuju elektronnuju ankietu z asabistymi i maršrutnymi danymi.
Meta — uzmacnieńnie nacyjanalnaj biaśpieki na fonie vajny Rasii suprać Ukrainy i rostu hibrydnych pahroz. Papraŭki inicyjavała parłamienckaja kamisija pa biaśpiecy.
Praviła pačnie dziejničać, z 1 vieraśnia 2025 hoda — data pačatku dziejańnia patrabavańnia. Norma ŭviedziena jak časovaja i pavinna dziejničać jak minimum da kanca 2027 hoda, pryčym śpiecsłužby abaviazany štohod dakładvać Siejmu pra jaje efiektyŭnaść.
Delfi źviarnułasia ŭ MUS Łatvii z pytańniem, ci raspaŭsiudžvajucca praviły pra ankietu na ŭjezd na žycharoŭ inšych krain ES z DNŽ i pašpartami trecich krain (u pieršuju čarhu Rasii i Biełarusi) — i atrymała adkaz: tak, raspaŭsiudžvajucca.
Što treba budzie ŭkazać u ankiecie?
Metu i mierkavany termin pajezdki, miesca znachodžańnia ŭ Łatvii i padrabiazny maršrut, kantaktnuju infarmacyju. Źviestki pra siabie i pra svajakoŭ: u pryvatnaści, ciapierašni abo minuły status dziaržaŭnaha abo municypalnaha słužačaha; słužba ŭ armii, śpiecsłužbach, pamiežnaj słužbie, mytni, orhanach MUS, justycyi abo MZS (uklučajučy dypłamatyčnuju słužbu).
Jak heta budzie pracavać?
Budie anłajn-partał, dzie treba budzie zapoŭnić ankietu i atrymać QR-kod. Pravierki kodaŭ buduć pravodzicca vybaračna.
Što budzie, kali raptam pajechać abo palacieć u Łatviju biez koda?
Štrafy składuć 2000 jeŭra. Pa rašeńni pamiežnika — admova va ŭjeździe ŭ krainu.
Chto traplaje pad vyklučeńni?
Asoby z DNŽ abo vizaj Łatvii, dypłamaty, hramadzianie ES/JEES, hramadzianie dziaržaŭ — členaŭ NATA, krain — členaŭ AESR, hramadzianie Brazilii i Šviejcaryi. Usim astatnim treba zapaŭniać ankietu. U tym liku tym, chto lacić tranzitam praz ryžski aeraport. Asobnaha vyklučeńnia dla hramadzian Ukrainy z DNŽ inšych krain ES taksama niama.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary
Tak čto akkuratno,pacany!