U šostym matčy finalnaj sieryi płej-of ACHŁ (Kubak Kołdera) «Abatsford Kenaks» na vyjeździe abyhraŭ «Šarłot Čekiers» ź likam 3:2 i vyjhraŭ u sieryi — 4:2.
Kanadski chakiejny kłub upieršyniu ŭ historyi zavajavaŭ Kubak Kołdera.
Forvard Daniła Klimovič uziaŭ udzieł u vyrašalnym matčy, vyjšaŭšy ŭ čaćviortym źvianie, i adznačyŭsia zakinutaj šajbaj na 24-j chvilinie. U 16 matčach płej-of jon nabraŭ 4 hały (ź ich 3 pieramožnyja), 12 chvilin štrafu i pakazčyk karysnaści «+3».
Biełaruski bramnik Mikita Tałapiła zastaŭsia na łaŭcy zapasnych. U ciapierašnim płej-of jon pravioŭ adzin matč, jaki zaviaršyŭsia parazaj. Jaho statystyka: kaeficyjent nadziejnaści — 2,68, pracent adbitych kidkoŭ — 91,3%.
Samym kaštoŭnym hulcom płej-of byŭ pryznany hałkipier «Abatsforda» i zbornaj Łatvii Artur Šyłaŭ, jaki faktyčna nie daŭ šancaŭ biełarusu Tałapiłu.
ACHŁ — heta Amierykanskaja chakiejnaja liha, druhaja pa značnaści chakiejnaja liha ŭ Paŭnočnaj Amierycy paśla NCHŁ (Nacyjanalnaj chakiejnaj lihi), u suśvietnym rejtynhu jana zajmaje niedzie piaty-šosty radok. ACHŁ źjaŭlajecca lihaj dla farm-kłubaŭ NCHŁ, ź i ACHŁ vyklikajucca ŭ NCHŁ hulcy na dapamohu.
Kubak Kołdera — heta anałah Kubka Stenli.
Klimovič i Tałapiła stali čaćviortym i piatym biełarusam, što vyjhrali Kubak Kołdera. U siezonie 2006-2007 trafiej u składzie «Hamiltana» ŭziali Michaił Hraboŭski i Andrej Kaścicyn, što potym hulali ŭ NCHŁ. U 2023 hodzie Kubak Kołdera zavajavaŭ u składzie «Chieršy» Alaksiej Protas, siońniašniaja zorka «Vašynhtona» NCHŁ.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary