U Minsku 200 baćkoŭ admaŭlajucca ad pryščepak ich małym dzieciam
U Minsku bolš jak 200 baćkoŭ admaŭlajucca ad praviadzieńnia ŭsich pryščepak ich dzieciam va ŭzroście da dvuch hadoŭ.
Pra heta na pres‑kanfierencyi 7 krasavika paviedamiła zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja.
Jana skazała, što heta adbyvajecca z‑za roznych pryčyn, asnoŭnymi ź jakich źjaŭlajucca
aściarohi ŭźniknieńnia niehatyŭnaj reakcyi ŭ dziaciej paśla pryščepak, a taksama relihijnyja mierkavańni.
Miedyki padčas Jeŭrapiejskaha tydnia imunizacyi, jaki projdzie ŭ Minsku z 24 krasavika pa 1 maja, buduć pravodzić tłumačalnuju pracu siarod takich baćkoŭ. «Sioleta my budziem imknucca nacelicca na indyvidualnuju pracu abo na kansultacyi dla nievialikich hrup baćkoŭ, jakija vykazvajuć admovu», — zaznačyła Hlinskaja. Pavodle słoŭ urača‑piedyjatra haradskoha centra vakcynaprafiłaktyki Andreja Zyla, mnohija baćki «prychodziać na pryščepki ich dzieciam naściarožanymi abo ŭschvalavanymi, adnak paśla hutarki z uračom supakojvajucca i stanoŭča staviacca da hetaj pracedury». Hlinskaja taksama paviedamiła, što na praciahu tydnia imunizacyi projduć pasiadžeńni kruhłych stałoŭ, sieminary. U dziciačych i darosłych paliklinikach buduć arhanizavany kansultacyi piedyjatraŭ, nieŭrołahaŭ, alerhołahaŭ, imunołahaŭ, epidemijołahaŭ pa prablemach imunaprafiłaktyki.
Budzie vypuščany śpiecyjalny buklet ab infiekcyjach i ich prafiłaktycy, jaki płanujecca razdavać maładym maci, u tym liku ŭ radzilnych damach.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary